قازاقستان حالقىنىڭ سانى تۋرالى مالىمەت جاڭاردى.
جىل باسىنان بەرى حالىق سانى 177 مىڭ ادامعا ارتقان، دەپ حابارلايدى Almaty-akshamy.kz
بيۋرونىڭ مالىمەتىنشە، 1 قىركۇيەكتە ەل حالقىنىڭ سانى 19 ميلليون 944 مىڭ 726 ادام بولعان.
ەلىمىز بويىنشا 12 368 662 ادام - قالادا، 7 576 064 ادام - اۋىلدا تۇرادى.
جىل باسىنان بەرى حالىق سانى 177 مىڭ ادامعا ءوستى، ونىڭ 172 مىڭى - تابيعي ءوسىم ەسەبىنەن (تۋىلعاندار سانى قايتىس بولعاندار سانىنان اسىپ ءتۇستى)، 5،8 مىڭ ادام – كوشى-قوننىڭ وڭ سالدوسى.
وڭىرلەر اراسىندا حالقى ەڭ كوپ الماتى قالاسى – 2 205 929 ادام. ودان كەيىنگى ورىندا تۇركىستان وبلىسى – 2 135 537 ادام، الماتى وبلىسى – 1 522 182 ادام، حالىق سانى بويىنشا العاشقى ۇشتىكتى تۇيىندەپ تۇر.
استانا حالىق سانى بويىنشا ءتورتىنشى ورىندا – 1 402 002 ادام، جامبىل وبلىسى بەسىنشى ورىندا، 1 221 619 ادام.