الماتى قالاسىندا ينكليۋزيۆتى ءبىلىم بەرۋ سالاسىنداعى العاشقى دۇنيەجۇزىلىك كونگرەسس اياسىندا «ينكليۋزيۆتى ءبىلىم بەرۋدەگى جاھاندىق ترەندتەر: سىن-قاتەرلەر مەن شەشىمدەر» تاقىرىبىندا دوڭگەلەك ۇستەل ءوتتى، دەپ حابارلايدى aqshamnews.kz
وعان قازاقستان رەسپۋبليكاسىنىڭ قازاقستان رەسپۋبليكاسىنىڭ وقۋ-اعارتۋ ءمينيسترى جۇلدىز سۇلەيمەنوۆا، تاجىكستان رەسپۋبليكاسىنىڭ ءبىلىم بەرۋ جانە عىلىم ءمينيسترى سايدزودا راحيم حامرو، پارلامەنت ءماجىلىسىنىڭ دەپۋتاتتارى، الماتى قالاسىنىڭ اكىمىنىڭ ورىنباسارى جانە حالىقارالىق ساراپشىلارى، مەملەكەتتىك جانە قوعامدىق ۇيىم وكىلدەرى قاتىستى.
الەمنىڭ تۇكپىر-تۇكپىرىنەن كەلگەن بەدەلدى عالىمدار مەن ساراپشىلار، پەداگوگ-پراكتيكتەر، قوعامدىق جانە حالىقارالىق ۇيىمداردىڭ وكىلدەرى، سونداي-اق ءار ەلدىڭ ۇكىمەت مۇشەلەرى ينكليۋزيا سالاسىنداعى جاھاندىق ماڭىزى زور ماسەلەلەردى بىرلەسىپ تالقىلادى.
دوڭگەلەك ۇستەلدە ءسوز العان قازاقستاننىڭ وقۋ-اعارتۋ ءمينيسترى جۇلدىز سۇلەيمەنوۆا قازاقستاننىڭ ءبىلىم بەرۋ جۇيەسىندە مەملەكەت باسشىسى قاسىم-جومارت توقايەۆتىڭ باستاماسىمەن ادىلەتتى قوعام قۇرۋ باعىتىندا اۋقىمدى رەفورمالار جۇزەگە اسىرىلىپ جاتقانىن اتاپ ءوتتى. اتاپ ايتقاندا، تەڭ ءارى ساپالى بىلىممەن قامتاماسىز ەتۋ، زاڭنامالىق بازانى جەتىلدىرۋ، ينفراقۇرىلىمدى دامىتۋ، ينكليۋزيۆتى مادەنيەتتى قالىپتاستىرۋ جانە مۇعالىمدەردىڭ كاسىبي دامۋىنا باسىمدىق بەرۋ باعىتتارىنا ەرەكشە كوڭىل بولىنۋدە.
«قازاقستاندا جاساندى ينتەللەكتىنى پايدالانۋ جانە ەرەكشە ءبىلىم بەرۋ قاجەتتىلىكتەرى بار بالالاردى جان-جاقتى قولداۋ ماسەلەلەرى باستى نازاردا. ينكليۋزيانىڭ نەگىزى – ادامي قۇندىلىقتار: سىيلاستىق، قابىلداۋ جانە قولداۋ. ءبىز زاماناۋي سىن-قاتەرلەر مەن جاھاندىق ۇردىستەردى ەسكەرە وتىرىپ، ءبىلىم مازمۇنىن جەتىلدىرۋدە كۇش بىرىكتىرىپ، ءتيىمدى ستراتەگيالار ازىرلەۋ، تاجىريبە الماسۋ جانە قولداۋ مەحانيزمدەرىن نىعايتۋعا شاقىرامىز»، – دەدى وقۋ-اعارتۋ ءمينيسترى.
سونىمەن قاتار جيىندا تاجىكستان رەسپۋبليكاسىنىڭ ءبىلىم بەرۋ جانە عىلىم ءمينيسترى سايدزودا راحيم حامرو تاجىكستانداعى ينكليۋزيانىڭ دامۋ تاجىريبەسىمەن ءبولىستى، SEAMEO Secretariat ديرەكتورى داتۋك حابيبا ابدۋل راحيم وڭتۇستىك-شىعىس ازيا ەلدەرىنىڭ تاجىريبەسى مەن ىنتىماقتاستىعى تۋرالى ايتتى، الماتىداعى UNESCO Regional Bureau ديرەكتورى امير پيريچ ينكليۋزيۆتى جانە ءادىل ءبىلىم بەرۋدى ىلگەرىلەتۋدەگى يۋنەسكو-نىڭ ءرولىن اتاپ ءوتتى، UNICEF وڭىرلىك كەڭەسشىسى نورا شاباني ەۋروپا مەن ورتالىق ازياداعى ينكليۋزيۆتى ءبىلىم بەرۋدىڭ دامۋىنا شولۋ جاسادى، International Forum of Inclusion Practitioners (IFIP) پرەزيدەنتى دانيەل سوبەل ينكليۋزيانىڭ جاھاندىق تاجىريبەلەرى مەن مەكتەپتەردى قولداۋ تاسىلدەرى تۋرالى پىكىر ءبىلدىردى، ماروككو ءبىلىم مينيسترلىگىنىڭ وكىلى لۋبنا بەلاببەس ءبىلىم بەرۋدىڭ قولجەتىمدىلىگىن قامتاماسىز ەتۋ جونىندەگى ۇلتتىق شارالار تۋرالى باياندادى، ازەربايجاننىڭ مەكتەپكە دەيىنگى جانە جالپى ءبىلىم بەرۋ جونىندەگى مەملەكەتتىك اگەنتتىگى ديرەكتورىنىڭ ورىنباسارى ياگۋبلۋ ۆافا ميسيروۆنا مەن بوسنيا جانە گەرسەگوۆينا فەدەراسياسىنىڭ سارايەۆو كانتونىنىڭ تاربيە جانە ءبىلىم بەرۋ ماسەلەلەرى جونىندەگى مينيسترلىگىنىڭ وكىلى مەليسسا ميزدراك ءوز ەلدەرى مەن ايماقتارىنىڭ تاجىريبەسىن تانىستىردى، ال Google for Education وكىلى كريس بلەيني ينكليۋزيۆتى ءبىلىم بەرۋدى جاھاندىق دەڭگەيدە قولداۋعا ارنالعان تەحنولوگيالىق شەشىمدەردى ۇسىندى؛ سونداي-اق ايگىلى ساۋلەتشى، Fuji Kindergarten جوباسىنىڭ اۆتورى تاحاكۋرا تەدزۋكا ءوز يدەيالارى مەن تاجىريبەسىن ورتاعا سالدى.