2024 جىلدىڭ ءۇش ايىندا مۇناي ونىمدەرىن زاڭسىز اكەتۋدىڭ 171 فاكتىسىنىڭ جولى كەسىلدى
ق ر قارجى مينيسترلىگىنىڭ مەملەكەتتىك كىرىستەر كوميتەتى 2024 جىلدىڭ ءبىرىنشى توقسانىندا قازاقستان-رەسەي شەكاراسىندا 13 650 ليتر جانار-جاعارمايدى زاڭسىز اكەتۋدىڭ 103 ارەكەتىن انىقتاپ، جولىن كەستى، دەپ حابارلايدى اlmaty-akshamy.kz.
قازاقستان-وزبەك شەكاراسىندا 11 135 ليتر جانار-جاعارمايدى زاڭسىز شەكارا اسىرۋعا 68 ارەكەت جاسالدى. 3،7 ملن. تەڭگە ايىپپۇل ءوندىرىلدى. قازىرگى ۋاقىتتا مۇناي ونىمدەرىنىڭ جەكەلەگەن تۇرلەرىن قازاقستان رەسپۋبليكاسىنىڭ اۋماعىنان تىس جەرلەرگە اكەتۋگە تىيىم سالىنعان. تىيىم قازاقستاننىڭ ىشكى نارىعىندا جانار-جاعارماي ماتەريالدارىنىڭ تاپشىلىعىن بولدىرماۋ ءۇشىن نورماتيۆتىك اكتىلەرمەن بەكىتىلگەن. مەملەكەتتىك كىرىستەر كوميتەتى بەلگىلەنگەن تىيىمدار مەن شەكتەۋلەردىڭ ساقتالۋىنا باقىلاۋ جۇرگىزەدى.
تاۋەكەلدەردى باسقارۋ جۇيەسى قولدانىلادى. ەلەكتروندىق دەكلاراسيالاۋدىڭ «استانا-1» اقپاراتتىق جۇيەسىندە اكەتۋگە تىيىم سالىنعان مۇناي ونىمدەرىنىڭ كەدەندىك دەكلاراسيالاۋىن بولدىرماۋ ماقساتىندا شارالار قابىلدانعان. مكك مۇناي ونىمدەرىن زاڭسىز اكەتۋ فاكتىلەرىن انىقتاۋ جانە جولىن كەسۋ بويىنشا ءىس-شارالار جۇرگىزەدى. 2023 جىلى قازاقستان-وزبەك شەكاراسىندا 79 800 ليتر مۇناي ونىمدەرىنىڭ زاڭسىز اكەتۋىڭىڭ 294 ارەكەتى توقتاتىلدى. مەملەكەت بيۋدجەتىنە 24،5 ملن. تەڭگە ايىپپۇل ءوندىرىلدى. قازاقستان-رەسەي شەكاراسىندا 60 مىڭ ليترگە جۋىق مۇناي ونىمدەرىن زاڭسىز اكەتۋدىڭ 324 فاكتىسىنىڭ جولى كەسىلدى. قازاقستان رەسپۋبليكاسىنىڭ قولدانىستاعى زاڭناماسىندا بەلگىلەنگەن تىيىمدار مەن شەكتەۋلەردىڭ ساقتالۋىن باقىلاۋدى مەملەكەتتىك كىرىستەر ورگاندارى تۇراقتى نەگىزدە جۇرگىزەدى.