ەريەۆاندا وتكەن كەلىسسوزدەر بارىسىندا قازاقستان پرەزيدەنتى قاسىم-جومارت توقايەۆ پەن ارمەنيا پرەمەر-مينيسترى نيكول پاشينيان وڭتۇستىك كاۆكازدا تۇراقتىلىق پەن قاۋىپسىزدىكتى قامتاماسىز ەتۋ ماسەلەسىنە ايرىقشا نازار اۋداردى، دەپ حابارلايدى اlmaty-akshamy.kz.
«مەملەكەت باسشىسى ارمەنيا مەن ازەربايجاننىڭ بەيبىت كەلىسىم جاساۋ جونىندەگى قادامدارىن جوعارى باعالادى. وسى ورايدا قازاقستان پرەزيدەنتى ەريەۆان مەن باكۋ اراسىندا تەزىرەك بەرىك ءارى ۇزاقمەرزىمدى بەيبىتشىلىك ورناعانى ماڭىزدى دەپ اتاپ ءوتتى. سونداي-اق كەلىسسوزدەر ءۇشىن قازاقستان ءوز الاڭىن ۇسىنۋعا دايىن ەكەنىن مالىمدەدى»، - دەلىنگەن حابارلامادا.
بەيبىتشىلىك پەن كەلىسىمگە ناقتى كەلىسسوزدەر ارقىلى قول جەتكىزۋدى جاقتايتىن قازاقستاننىڭ بۇل باعىتتاعى بارلىق ىس-ارەكەتتى قولداۋعا ءازىر ەكەنى ايتىلدى. تاراپتار ارمەنيا مەن ازەربايجان اراسىنداعى ۋاعدالاستىقتاردى ناقتى جۇزەگە اسىرۋ مۇمكىندىكتەرىن قاراستىرۋعا كەلىستى.