الماتى اكىمى دارحان ساتىبالدىنىڭ وكىمىمەن جانە قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا 2025 جىلى 18 تامىزدا الماتى قالاسى اكىمىنىڭ ورىنباسارى بولىپ الماسحان سماتلايەۆ تاعايىندالدى.
ول ەكولوگيا، ەنەرگەتيكا، كولىك جانە كوممۋنالدىق شارۋاشىلىق ماسەلەلەرىنە جەتەكشىلىك ەتەدى.
الماسحان سماتلايەۆ رەسەي فەدەراسياسىنداعى قارجى ۋنيۆەرسيتەتىن «ەكونوميكا» جانە «مەملەكەتتىك جانە مۋنيسيپالدىق باسقارۋ» ماماندىقتارى بويىنشا، سونداي-اق، اقش-تاعى بلۋمسبەرگ ۋنيۆەرسيتەتىن «حالىقارالىق ەكونوميكا» ماماندىعى بويىنشا ءتامامداعان.
ەڭبەك جولىن 2009 جىلى بيزنەس قۇرىلىمداردا باستاپ، كەيىن ەۋرازيالىق ەكونوميكالىق كوميسسيادا جۇمىس ىستەدى.
2014-2023 جىلدار ارالىعىندا شىعىس قازاقستان وبلىسىندا ەكونوميكا جانە بيۋدجەتتىك جوسپارلاۋ باسقارماسىن باسقاردى، وبلىس اكىمىنىڭ ورىنباسارى، كەيىن ءبىرىنشى ورىنباسارى سىندى ءارتۇرلى لاۋازىمدا قىزمەت اتقاردى.
بۇگىنگە دەيىن قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى بولىپ ەڭبەك ەتكەن.