باۋىرجان قابدول الماتى قالاسى اكىمى اپپاراتى باسشىسىنىڭ ورىنباسارى بولىپ تاعايىندالدى، دەپ حابارلايدى Almaty-akshamy.kz
الماتى اكىمى ەربولات دوسايەۆتىڭ وكىمىمەن الماتى قالاسى اكىمى اپپاراتى باسشىسىنىڭ ورىنباسارى قىزمەتىنە باۋىرجان قابدول جالەل ۇلى تاعايىندالدى.
باۋىرجان قابدول 1978 جىلى اتىراۋ وبلىسىندا دۇنيەگە كەلگەن. ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ كولىك كوللەدجىن، ورتالىق ازيا ۋنيۆەرسيتەتىن، رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.
ەڭبەك جولىن 2002 جىلى باستاعان. ءار جىلدارى مەملەكەتتىك جانە كوممەرسيالىق سەكتورلاردا جۇمىس ىستەدى. 2021-2022 جىلدارى اقتوبە وبلىسىنىڭ قۇرىلىس، ساۋلەت جانە قالا قۇرىلىسى باسقارماسى باسشىسىنىڭ ورىنباسارى قىزمەتىن اتقاردى. 2022 جىلعى ماۋسىمنان باستاپ تاعايىندالعانعا دەيىن قازاقستان رەسپۋبليكاسى ونەركاسىپ جانە قۇرىلىس مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى بولىپ جۇمىس ىستەدى.