بيىل پروفەسسور، قازاق ءتىل ءبىلىمىنىڭ كورنەكتى وكىلى نۇرجامال ورالباي قىزىنىڭ تۋعانىنا 95 جىل.
وسىعان وراي اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە عالىم اتىنداعى ءدارىسحانا اشىلىپ، دوڭگەلەك ۇستەل ءوتتى. نۇرجامال ورالبايقىزى-قازاق ءتىلىنىڭ ءسوز-جاسام جۇيەسىن جىكتەپ، تەرەڭىنەن زەرتتەگەن مامان. كوزى تىرىسىندە 70-تەن اسا عىلىم دوكتورى مەن كانديداتىن دايارلاعان، دەپ حابارلايدى Almaty-akshamy.kz. 24.kz-كە سىلتەمە جاساپ.
پروفەسسور ەڭبەك جولىندا 300-دەن استام عىلىمي ماقالا جازعان. 20-دان استام وقۋلىق پەن مونوگرافيانىڭ اۆتورى. ول احمەت بايتۇرسىنۇلىنان باستاپ، شامعالي سارىبايەۆ سەكىلدى عالىمداردىڭ ەڭبەگىن تەرەڭ زەرتتەگەن. ءىس-شاراعا جينالعان عالىمدار نۇرجامال ورالباي قىزىنىڭ زەرتتەۋلەرى، بۇگىنگى كۇنى دە وزەكتى،-دەيدى.
«ول كىسىنىڭ اتى قازاق ءتىل بىلىمىندە «ءسوزجاسام» دەپ ءوز الدىنا بولەك قالىپتاسقان سالامەن تىعىز بايلانىستى. نۇرجامال اپايدىڭ ەڭبەكتەرىنىڭ ارقاسىندا قازاق ءتىل بىلىمىندە «ءسوزجاسام» دەگەن سالا دامىدى. قازىرگى كەزدە ونىڭ ءىزباسارلارى سول سالانى الەمدىك لينگۆيستيكالىق دەڭگەيدە دامىتىپ، جەتىلدىرىپ جاتىر»، - دەيدى ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجان.
«ەندى قازىرگى كەزدە وسى پروفەسسور نۇرجامال ورالبايەۆانىڭ عىلىمداعى شىعارماشىلىعى تۋرالى، ونىڭ ادىستەمەدەگى وزىندىك ورنى تۋرالى دوكتورلىق، ماگيسترلىك ديسسەرتاسيالار قورعاۋ كەرەك دەپ سانايمىن»، - دەيدى ق ر ۇعا اكادەميگى كارىمبەك قۇرمانالييەۆ.