«جانۋارلارعا جاۋاپكەرشىلىكپەن قاراۋ تۋرالى» زاڭنىڭ اياسىندا «قالالىق ۆەتەريناريالىق قىزمەت» كمك اۋلانعان يتتەردى بوساتىپ قويا بەرەدى.
ەندى اۋلانعان جانۋارلاردى ولتىرۋگە تىيىم سالىنادى. ءقاۋىپتى جۇقپالى اۋرۋمەن اۋىراتىن جانە نەگىزسىز اگرەسسيا جاسايتىن جانۋارلاردى عانا اتۋعا رۇقسات، دەپ حابارلايدى Almaty-akshamy.kz.
بيىل ماۋسىم ايىنان باستاپ اۋلانعان قاڭعىباس جانۋارلار تەكسەرىستەن وتەدى. ەگەر ءقاۋىپتى اۋرۋ مەن سەبەپسىز اگرەسسيا بايقالماسا، ولارعا ۆاكسينا سالىنادى جانە پىشتىرىلەدى.
سودان كەيىن ولار اسىراپ العىسى كەلەتىندەرگە بەرىلەدى. ەشكىم اسىراماسا، قۇلاعىنا ارنايى جاسىل بەلگى تاعىپ قويا بەرەدى.
سۋرەتتى جىلجىتىپ تەكسەرىلمەگەن قاڭعىباس جانۋارلاردى قالاي اجىراتۋعا بولاتىنىن ءبىلىڭىز.
