وقۋ-اعارتۋ مينيسترلىگى جاڭا وقۋ جىلىندا قازاقستانداعى مەكتەپ وقۋشىلارىنا ارنالعان جاڭا باعىتتاردى پىسىقتادى، دەپ حابارلايدى Almaty-akshamy.kz قازاقپاراقا سىلتەمە جاساپ.
«وقۋ-اعارتۋ مينيسترلىگىنىڭ اپپارات جينالىسىندا 2022-2023 وقۋ جىلىنىڭ جاڭالىقتارى قارالدى. جاڭا وقۋ جىلىنىڭ ۇزاقتىعى 1-سىنىپتا 35 وقۋ اپتاسىن، 2-11 سىنىپ ارالعىندا وقيتىندار ءۇشىن 36 وقۋ اپتاسىن قۇرايدى. بيىل قازاق تىلىندە ءبىلىم الاتىن ءبىرىنشى سىنىپ وقۋشىلارى «الىپپە» مەن «انا ءتىلىن» عانا وقيدى. ال ورىس ءتىلىن ەكىنشى سىنىپتان، اعىلشىن ءتىلىن ءۇشىنشى سىنىپتان باستاپ مەڭگەرەدى»، - دەلىنگەن ۆەدومستۆو مالىمەتىندە.
5 - 11 سىنىپتا وقيتىن بالالار ءۇشىن ۆارياتيۆتىك كومپونەنتكە «جاھاندىق قۇزىرەتتەر» كۋرسى ەنگىزىلەدى. ادىستەمەلىك نۇسقاۋ حاتتا ءۆارياتيۆتى كومپونەنتتەگى ساعاتتاردى ۇتىمدى پايدالانۋ، ينكليۋزيۆتى ءبىلىم بەرۋدى جۇزەگە اسىرۋ، سىنىپتان تىس جۇمىستاردى ۇيىمداستىرۋ بويىنشا ناقتى ۇسىنىستار كورسەتىلگەن.
بۇدان بۇرىن حابارلانعانداي، قازاقستان مەكتەپتەرىندە پاتريوتيزم تۋرالى جاڭا ساباق وتەدى.
ەندى قازاق تىلىندە وقيتىن مەكتەپتەردە 1-سىنىپ وقۋشىسى ءبىر عانا ءتىلدى، ياعني قازاق ءتىلىن مەڭگەرەدى.