الماتىدا كوگالداندىرۋ جانە ەكولوگيالىق جاعدايدى جاقسارتۋ باعدارلاماسى اياسىندا قىلقان جاپىراقتى بيىك اعاشتار وتىرعىزىلدى. ساتبايەۆ كوشەسىندە 22 اپاتتى اعاشتىڭ ورنىنا بيىكتىگى 6 مەتردەن اساتىن 36 تيان-شان شىرشاسى وتىرعىزىلدى، دەپ حابارلايدى aqshamnews.kz
جەرگىلىكتى پيتومنيكتەردىڭ كوشەتتەرى قالانىڭ كليماتتىق جاعدايىنا سايكەس كەلەدى، توزىمدىلىگى جوعارى جانە اگرەسسيۆتى قالالىق ورتاعا تەز بەيىمدەلە الادى.
ەسكى اعاشتاردى اۋىستىرۋ قاجەتتى شارا بولدى. ەسكە سالساق، كوشپەلى كەڭەس بارىسىندا عىلىمي قىزمەتكەرلەردىڭ، ساراپشىلاردىڭ، قوعام قايراتكەرلەرىنىڭ جانە ب ا ق وكىلدەرىنىڭ قاتىسۋىمەن ساتبايەۆ كوشەسىندەگى اعاشتاردىڭ جاعدايى باعالاندى. ۋچاسكەدە ەسكى شىرشالار وسەدى، ولار زەرتتەۋ ناتيجەلەرى بويىنشا اپاتتى دەپ تانىلىپ، قالا تۇرعىندارى مەن قورشاعان ورتاعا ءقاۋىپتى. سوندىقتان جاڭالارىنا اۋىستىرىلدى.
بيىكتىگى 4-تەن 6 مەترگە دەيىنگى ءىرى كوشەتتەردى پايدالانۋ اعاشتاردىڭ تىرشىلىگىن جاقسارتۋعا، جەتىلگەن لاندشافت جاساۋعا جانە قالا كوشەلەرى مەن ساياباقتارىنىڭ ەستەتيكالىق كەلبەتىن ساقتاۋعا مۇمكىندىك بەرەدى. عالىمداردىڭ ۇسىنىستارى بويىنشا قىستا