بيىل ساۋىردە ق ر وقۋ-اعارتۋ مينيسترلىگىنىڭ قولداۋىمەن باستالعان «پەداگوگيكالىق يدەيالار پانوراماسى-2024» رەسپۋبليكالىق بەينەساباقتار مەن بەينەادىستەر كونكۋرسىنىڭ قورىتىندىسى شىعارىلدى.
وعان 5000-عا جۋىق پەداگوگ قاتىستى، ولاردىڭ 108ء-ى جۇلدەلى ورىندارعا يە بولدى، دەپ حابارلايدى aqshamnews.kz
ماقساتى - ءپانارالىق نەگىزدە ءبىلىم الۋشىلاردىڭ ەرتە/فۋنكسيونالدىق ساۋاتتىلىعىن دامىتۋ سالاسىندا پەداگوگتەردىڭ ءوزارا ءىس-قيمىلىنىڭ زاماناۋي پەداگوگيكالىق تاجىريبەسى مەن ۇزدىك تاجىريبەلەرىن جالپىلاۋ جانە تانىمال ەتۋ.
بايقاۋ ەكى كەزەڭنەن تۇرادى: ايماقتىق جانە رەسپۋبليكالىق. بەينەساباقتار 12 باعىت بويىنشا دايىندالدى، ولاردى وڭىرلىك ساراپتاما كەڭەسىنىڭ مۇشەلەرى جەتى كريتەريي بويىنشا باعالادى.
«رەسپۋبليكالىق ساراپتامالىق كەڭەستەگى جۇمىسقا ورلەۋ وكىلدەرى مەن كونكۋرستىڭ باعىتتارى بويىنشا سىرتقى ساراپشىلار تارتىلدى. كونكۋرستىق جۇمىستاردى باعالاۋ ءراسىمى اشىق جانە شىنايى بولدى. رەسپۋبليكالىق كەزەڭ جۇلدەگەرلەرىنىڭ ءتىزىمى ءبىزدىڭ ورتالىق فيليالدارىنىڭ سايتىندا جانە رەسمي اككاۋنتتارىندا ورنالاستىرىلادى»، - دەدى «ورلەۋ» ۇلتتىق بىلىكتىلىكتى ارتتىرۋ ورتالىعىنىڭ باسقارما ءتوراعاسى ايدانا شيليبەكوۆا.
وسىلايشا، 102 پەداگوگ 1، 2، 3 دارەجەلى ديپلومدارعا يە بولدى. ءار باعىت بويىنشا YouTube-تە ەڭ كوپ قارالعان بەينەماتەريالداردىڭ اۆتورلارى انىقتالدى. سونىمەن قاتار، بيىل يۋنەسكو بايقاۋعا قاتىسۋشىلاردىڭ جۇمىستارىنا ءبىرىنشى رەت باعا بەرىپ، «جاھاندىق ازاماتتىق رۋحىندا ءبىلىم بەرۋ» جانە «كليماتتىق وزگەرىستەر سالاسىنداعى ءبىلىم بەرۋ» باعىتتارى بويىنشا ارنايى ماراپاتتار تابىستادى. بۇل باستاما كونكۋرستىڭ ساپاسى مەن وزەكتىلىگىن ارتتىرىپ، ونىڭ مارتەبەسىن حالىقارالىق ساراپتامالىق دەڭگەيگە جاقىنداتتى.