جاڭا سوفت مەديسينادا ەرەكشە ماڭىزدى
الماتى قالالىق جەدەل شۇعىل كومەك كورسەتۋ اۋرۋحاناسىندا يشەميالىق جانە گەمورراگيالىق ينسۋلتتىڭ ۋلترا ءدال دياگنوستيكاسى ءۇشىن نەيروراديولوگيا سالاسىنداعى جاساندى ينتەللەكت CEREBRA ەنگىزىلدى، دەپ حابارلايدى Almaty-akshamy.kz.
وسى ۋاقىتقا دەيىن پاسيەنتتەرگە مرت ارقىلى دياگنوز قويىلعان، ءبىراق ادامنىڭ كوزى كت سۋرەتىندە پايدا بولعان سيتوتوكسيكالىق ءىسىنۋدى بايقاي المايدى. ونىڭ ۇستىنە، دارىگەر ينسۋلت دياگنوزىن سيمپتومدار ورىن العاننان باستاپ 6 ساعاتتان كەيىن قويا الادى. ال ءينسۋلتتىڭ تەراپيەۆتىك تەرەزەسى 4،5 ساعاتتى قۇرايدى. جاساندى ينتەللەكت CEREBRA كومەگىمەن ينسۋلت 10 مينۋت ىشىندە تانىلادى، سونىمەن قاتار ول ميدىڭ زاقىمدانباعان پارەنحيماسىنىڭ بولىگىمەن سالىستىرۋ ارقىلى يادروداعى تىندەردىڭ تىعىزدىعىنىڭ وزگەرۋىن ناقتىلاۋعا مۇمكىندىك بەرەدى. ناتيجەسىندە پاسيەنتكە جەدەل ەمدەۋ تاعايىندالىپ، فۋنكسيانى جوعالتۋ جانە نيەۆرولوگيالىق تاپشىلىق ءقاۋپى ازايادى.
جاڭا سوفت مەديسينادا ەرەكشە ماڭىزدى. سەبەبى ينسۋلت قازاقستانداعى ءولىمنىڭ نەگىزگى سەبەپتەرىنىڭ ءبىرى بولىپ تابىلادى، جىلىنا قىرىق مىڭعا دەيىن ينسۋلت تىركەلسە، ونىڭ جارتىسى ولىمگە، ال 80%-ى مۇگەدەكتىككە اكەلەدى. سونداي-اق، قازاقستان ينسۋلت اۋرۋى بويىنشا العاشقى 30 ەلدىڭ قاتارىنا كىرەدى. الماتى قالالىق جەدەل شۇعىل كومەك كورسەتۋ اۋرۋحاناسى جىلىنا ينسۋلتپەن مىڭ ناۋقاستى قابىلدايدى.
CEREBRA جوباسىن AlmatyA.I.Lab لابوراتورياسىنىڭ جاس قازاقستاندىق ماماندارى ويلاپ تاپتى. ولار 2018 جىلدان باستاپ جاساندى ينتەللەكت تەحنولوگيالارىن دامىتۋمەن اينالىسىپ كەلە جاتىر. بارلىق ازىرلەۋشىلەر رفمم، سدۋ، قبتۋ، نازاربايەۆ ۋنيۆەرسيتەتى، ماسكەۋ مەملەكەتتىك ۋنيۆەرسيتەتى، بريتاندىق جەتەكشى ۋنيۆەرسيتەتتەر تۇلەكتەرى.
«كوماندا جاس، بولاشاعى زور، كرەاتيۆتى، ونىڭ قۇرامىندا باعدارلاماشىلار، ماتەماتيك، فيزيك، نەيروداديولوگتار بار. ءبىز باعدارلامالىق جاساقتامانى 3 جىل بويى مۇقيات جاسادىق. وتاندىق اۋرۋحانالاردان كت دەرەكتەرىنىڭ ءارحيۆىن سۇرادىق، ال ەڭ ءبىرىنشى بولىپ الماتى قالالىق جەدەل شۇعىل كومەك كورسەتۋ اۋرۋحاناسىنىڭ باس دارىگەرى الماز دجۋۆاشيەۆ جاۋاپ بەرىپ، بىزگە قولداۋ كورسەتتى. جالپى، بۇل مالىمەتتەرمەن ەلىمىزدە پروبلەما بار، ويتكەنى ولاردى تالداۋعا ارنالعان كت دەرەكقورى جوق، سوندىقتان ءبىز جاساندى ينتەللەكتى سىناۋ ءۇشىن ءبارىن بىرتىندەپ جينادىق. ءوزىمىزدىڭ ونەرتابىسىمىزبەن ءبىز اۋرۋحاناعا ۋاقىتىندا بارىپ، ناقتى دياگنوز قويىلعان جاعدايدا ءينسۋلتتىڭ ەمدەلەتىنىن، ميدى زاقىمدانۋدان ساقتاۋعا بولاتىنىن دالەلدەگىمىز كەلەدى. ميدىڭ وزگەرۋ ناتيجەلەرى بويىنشا اقپاراتتى اۆتوماتتى تۇردە بەرەتىن Cerebra ءموبيلدى قوسىمشاسىن پايدالانىپ، ءبىز ۋاقىتتى بارىنشا ۇنەمدەيمىز، ءارى بارلىق ەمدەۋشى توپ ءبىر جەلىدە بولىپ، كەڭەس بەرە الادى، - دەيدى جوبا مەنەدجەرى مەرۋەرت سايفۋللا قىزى.
جاساندى ينتەللەكت كومەگىمەن دياگنوز قالاي قويىلادى؟ كت سۋرەتىن العاننان كەيىن باعدارلاما ميدىڭ 3D مودەلىن جاسايدى، سودان كەيىن نەيروندىق جەلى ولاردى وڭدەيدى جانە ناتيجەنى ميدىڭ زاقىمدانعان ايماقتارىن كورسەتەتىن اناليتيكالىق ەسەپ تۇرىندە بەرەدى. بۇل بىرنەشە مينۋت ۋاقىتتى الادى. ال ينسۋلت كەزىندە time is brain «ۋاقىت دەگەن مي» - ۋاقىت وتە ماڭىزدى.
بۇگىنگى كۇنى CEREBRA ءينسۋلتتىڭ 85%-ىندا دۇرىس دياگنوز قويۋعا كومەكتەسەدى، سوندىقتان ازىرلەۋشىلەر قوسىمشا مالىمەتتەر جيناۋ ارقىلى ونى جەتىلدىرە بەرەدى. الماتى قالالىق جەدەل شۇعىل كومەك كورسەتۋ اۋرۋحاناسى جانە باسقا اۋرۋحانالار بۇل پروسەستە جاقسى كومەك بولادى. ال ەڭ باستىسى، ناۋقاستار دالىرەك دياگنوستيكادان ءوتىپ، ولاردىڭ ساۋىعۋ مۇمكىندىگى ارتادى.