ەربولات دوسايەۆ مەملەكەت باسشىسىنا 2021 جىلدىڭ ءبىرىنشى جارتىجىلدىعىنداعى اقشا-كرەديت ساياساتىن ىسكە اسىرۋدىڭ الدىن الا قورىتىندىسى جونىندە ەسەپ بەردى.
مەملەكەت باسشىسىنا دەپوزيتتەرگە كەپىلدىك بەرۋ جۇيەسىنە قاتىسۋشى بانكتەردى باعالاۋ مودەلى ۇسىنىلدى جانە سيفرلىق قارجىلىق ەكوجۇيەلەردى تەڭگەرىمدى رەتتەۋ جونىندەگى تاسىلدەر تۋرالى ايتىلدى، دەپ حابارلايدى Almaty-akshamy.kz اkorda.kz-كە سىلتەمە جاساپ.
سونداي-اق قازاقستان ەكونوميكاسىنىڭ ءوسىمىن 3،6-3،9 پايىز دەڭگەيدە جاقسارتۋ جانە كوروناۆيرۋستىڭ جاڭا شتامدارىنىڭ سالدارىنان ەل ەكونوميكاسىن قايتا قالپىنا كەلتىرۋگە كەدەرگى بولاتىن نەگىزگى قاۋىپ-قاتەرلەر تۋرالى باياندالدى.
پرەزيدەنتكە بيىلعى 6 ايداعى ينفلياسيانىڭ 7،9 پايىزعا دەيىن جەدەل ءوسۋى، ىشكى ازىق-تۇلىك نارىقتارىنداعى تەڭگەرىمسىزدىك، سونداي-اق، سىرتقى ينفلياسيالىق قىسىمنىڭ كۇشەيۋى جانە ورتالىق بانكتەردىڭ اقشا-كرەديت شارتتارىن قاتاڭداتۋعا كوشۋ ءۇردىسى جايىندا ايتىلدى.
قاسىم-جومارت توقايەۆقا قازاقستاننىڭ ۆاليۋتا نارىعىنداعى احۋال، ۇلتتىق بانكتىڭ التىن-ۆاليۋتا قورى مەن ۇلتتىق قور اكتيۆتەرىنىڭ جاي-كۇيى جونىندە اقپارات بەرىلدى.
سونىمەن قاتار ەربولات دوسايەۆ حالىق سالىمدارىنىڭ تۇراقتى تۇردە دوللارسىزدانىپ كەلە جاتقانى، ەكونوميكانىڭ ناقتى سەكتورىن نەسيەلەۋدىڭ ءوسۋى جانە قازاقستاندىق بانكارالىق تولەم كارتوچكالارىنىڭ جۇيەسىن قۇرۋ جوسپارىنىڭ جۇزەگە اسىرىلۋى تۋرالى باياندادى.
كەزدەسۋ قورىتىندىسى بويىنشا پرەزيدەنت ءبىرقاتار ناقتى تاپسىرما بەردى.