الماتى قالاسى بويىنشا قىلمىستىق-اتقارۋ جۇيەسى دەپارتامەنتىنىڭ جەكە قۇرامى قازاقستان پوليسياسى كۇنىن سالتاناتتى تۇردە اتاپ ءوتتى.
سالتاناتتى جيىندى قاجد باستىعى ادىلەت پولكوۆنيگى اباي سەرىك ۇلى قايىربەكوۆ اشىپ، قۇتتىقتاۋ ءسوز سويلەدى. «قازاقستان پوليسياسىنىڭ مەرەيلى مەرەكەسى كۇنى ەلىمىزدىڭ تىنىشتىعى ءۇشىن جىگەرلى ەڭبەك ەتىپ جۇرگەن بارلىق قىزمەتكەرلەرگە تابىستى ەڭبەك تىلەيمىن. بۇگىن ءبىزدىڭ ارامىزدا قازاقستانداعى قىلمىستىق-اتقارۋ سالاسىنا ەلەۋلى ەڭبەك سىڭىرگەن ارداگەرلەرىمىز وتىر. ولاردىڭ ەڭبەك جولى بۇگىنگى جاس ۇرپاققا ونەگە بولۋدا. سونداي-اق، بۇگىنگى مەرەكە قىزمەت بابىندا قازا تاپقان ارىپتەستەرىمىزدى ەسكە الۋ كۇنى. وتان الدىندا قابىلداعان انتتارىنا ادال بولعان ەرلەردىڭ ەسىمى ءبىزدىڭ جۇرەگىمىزدە ماڭگى ساقتالادى.
قىلمىستىق-اتقارۋ سالاسىنىڭ جاۋاپتى جۇمىسىن ابىرويمەن اتقارىپ جۇرگەن بارلىقتارىڭىزدىڭ وتباسىلارىڭىزعا باقىت پەن اماندىق تىلەيمىن»، — دەدى ا.قايىربەكوۆ.
قازاقستان پوليسياسىنىڭ ءتول مەرەكەسىنە ارنالعان جيىندا الماتى قالاسى بويىنشا قاج دەپارتامەنتىنىڭ 100-دەن استام قىزمەتكەرى ماراپاتتالدى. ولاردىڭ اراسىندا ىشكى ىستەر ءمينيسترىنىڭ بۇيرىعىمەن كەزەكتەن تىس شەن العان جانە «قازاقستان پوليسياسىنىڭ 30 جىلدىعى» مەدالىمەن، دەپارتامەن باسشىسىنىڭ العىس حاتىمەن ماراپاتتالدار بار.
سالتاناتتى جيىندا قىلمىستىق-اتقارۋ جۇيەسى قىزمەتكەرلەرى اراسىندا قويان قولتىق ۇرىستان وتكەن XIV چەمپيوناتىندا جەتىستىككە جەتكەن سپورتشى قىزمەتكەرلەرگە العىس حاتتار مەن باعالى سىيلىقتار تابىستالدى.
سونداي-اق قاجد قىزمەتكەرلەرى قىزمەت بابىندا قازا تاپقان ارىپتەستەرى ا.سابىربەكوۆتىڭ ەسكەرتكىشىنە گۇل شوقتارىن قويىپ، ونى ءبىر مينۋت ۇنسىزدىكپەن ەسكە الدى. سالتاناتتى جيىنعا ارنايى شاقىرىلعان ا.سابىربەكوۆتىڭ جۇبايىنا گۇل شوقتارىن تابىستاپ، العىس ايتتى.