الماتى قالاسىنىڭ پروكۋرورلارى اۆتوموبيل جولدارىن جوندەۋ كەزىندە زاڭ بۇزىلعان فاكتىلەردى انىقتادى. مەردىگەر كومپانيانى جوعارعى سوت جازالادى، دەپ حابارلايدى almaty-akshamy.kz.
الماتى قالاسىنىڭ پروكۋراتۋراسى باس پروكۋراتۋرامەن بىرلەسىپ، اۆتوموبيل جولدارىن سالۋ، قايتا جاڭارتۋ، جوندەۋ جانە كۇتىپ ۇستاۋ كەزىندە مەملەكەتتىك ساتىپ الۋ جانە جول قوزعالىسى تۋرالى زاڭنامانىڭ ساقتالۋىن تەكسەردى. الماتى قالاسىنىڭ قالالىق جوسپارلاۋ جانە ۋربانيستيكا باسقارماسىنىڭ قىزمەتىنە دە تەكسەرۋ جۇرگىزىلدى.
تەكسەرۋ ناتيجەسىندە قۇرىلىس جانە كۇردەلى جوندەۋ كەزىندە پايدالانىلاتىن اۆتوموبيل جولدارىن ورتاشا جوندەۋگە سمەتالىق نورمانى جانە باعالاۋدى نەگىزسىز قولدانۋ فاكتىلەرى انىقتالدى. سونىمەن قاتار، جەتكىزۋشىلەر اسفالتتىڭ تىعىزدىعىنا اسەر ەتەتىن اسفالتتى تولىقتاي سالماعانى بەلگىلى بولدى. انىقتالعان زاڭبۇزۋشىلىقتاردى جويۋ ماقساتىندا الماتى قالاسىنىڭ قالالىق موبيلدىلىك باسقارماسىنا قاداعالاۋ اكتىسى ەنگىزىلدى. بۇل اكتىنى ورىنداۋ ءۇشىن باسقارما جەتكىزۋشىلەردەن بيۋدجەت قاراجاتىن وتەۋ جونىندە تالاپ-ارىز جۇمىستارىن قامتاماسىز ەتتى.
جوعارعى سوتتىڭ قاۋلىسىمەن جەتكىزۋشىلەردەن 754 ملن تەڭگە ءوندىرىلدى. بۇل شەشىم الماتى قالاسىنداعى جول قوزعالىسىن جاقسارتۋعا جانە بيۋدجەت قاراجاتىن دۇرىس پايدالانۋ ماقساتىندا ماڭىزدى قادام بولىپ تابىلادى.
جاڭالىقتارىمىزدى almaty-akshamy.kz سايتىندا وقىپ، سوڭعى جاڭالىقتاردان حاباردار بولىڭىز.