الماتى قالاسىندا 10-20 ماۋسىم ارالىعىندا شاحماتتان 26-شى جاسوسپىرىمدەر اراسىنداعى ازيا چەمپيوناتى وتەدى، دەپ حابارلايدى اlmaty-akshamy.kz.
جاسوسپىرىمدەر اراسىنداعى بۇل تۋرنيرگە الەمنىڭ 34 ەلىنەن 650 ويىنشى قاتىسادى دەپ كۇتىلۋدە. جارىسقا قاتىسۋشىلار 7-18 جاس ارالىعىندا جانە كلاسسيكا، راپيد جانە بليس فورماتتارىندا ب ا ق سىناماق.
چەمپيوناتتى Kazchess/قازاقستان شاحمات فەدەراسياسى مەن ق ر تۋريزم جانە سپورت مينيسترلىگى، سونداي-اق الماتى قالاسى اكىمدىگى جانە قازاقستان تەننيس فەدەراسياسى ازيا شاحمات فەدەراسياسىنىڭ قولداۋىمەن ۇيىمداستىردى. شارانىڭ باس دەمەۋشىسى رەتىندە Freedom Holding Corp.
ازيا چەمپيوناتى – شاحمات الەمىنىڭ بولاشاق جۇلدىزدارى ءۇشىن ماڭىزدى الاڭ. قاتىسۋشىلار يران، جاڭا زەلانديا، وزبەكستان، رەسەي، ۆەتنام، ءۇندىستان، قىرعىزستان، موڭعوليا، سينگاپۋر، جۇڭگو جانە وڭتۇستىك كورەيا سياقتى ەلدەردەن كەلەدى.
KazChess پرەزيدەنتى تيمۋر تۋرلوۆتىڭ ايتۋىنشا، وسىنداي بەدەلدى ءتۋرنيردى وتكىزۋ قازاقستاننىڭ شاحماتتاعى پوزيسياسىن نىعايتۋعا جانە ەلىمىزدە شاحماتتى تانىمال ەتۋگە ۇلكەن اسەرىن تيگىزەدى. سونىمەن قاتار، چەمپيونات جاس شاحماتشىلار ءۇشىن بايىپتى باسەكەلەستىك تاجىريبە جيناۋعا تاماشا مۇمكىندىك بولىپ تابىلادى. سونىمەن قاتار، قاتىسۋشىلار مەن قوناقتارعا قازاقستاننىڭ مادەنيەتى مەن داستۇرلەرىمەن تانىستىرۋعا، الماتىنىڭ تۇمسا تابيعاتىن كورسەتۋ جاعىن دا ۇمىت قالدىرماعان.
چەمپيوناتقا قاتىسۋشىلاردىڭ اراسىندا قازاقستاننان كەلگەن الديار انسات پەن سۋرەشحارش (ءۇندىستان) ەسىمدى ەكى حالىقارالىق شەبەر جانە امينا قايىربەكوۆا (قازاقستان) مەن مافتۋنا بوبومۋرودوۆا (وزبەكستان) ەكى حالىقارالىق ايەلدەر شەبەرى بار.
بۇل شارا الماتى قالاسى مەن قازاقستاننىڭ شاحمات الەمىندەگى بەدەلىن ارتتىرىپ، جاس شاحماتشىلارعا وزدەرىن كورسەتۋگە جانە جاڭا ەسىمدەردى تانىستىرۋعا مۇمكىندىك بەرەدى. ءتۋرنيردىڭ جوعارى دەڭگەيدە ۇيىمداستىرىلۋى مەن قىزىقتى ءىس-شارالار باعدارلاماسى قاتىسۋشىلار مەن قوناقتاردى قۋانتادى.