«سالەمدەمەلەر سۋپەرماركەتى»، گيبريدتى ەلەكتروندىق پوشتا، نەسيە بەرۋ. الماتى پوشتاسىندا 30 جىلدا نە وزگەردى؟
جىل سايىن 9 قازاندا بۇكىل الەمدە پوشتا قىزمەتكەرلەرىنىڭ مەرەكەسى اتاپ وتىلەدى. الماتى پوشتا ۇيىنە 54 بولىمشە كىرەدى، وندا جۇزدەگەن قىزمەتكەرلەر ەڭبەك ەتەدى. پوشتاشىلار جىل سايىن ميلليونداعان حاتتاردى قابىلداپ، جىبەرەدى جانە مىڭداعان سالەمدەمەلەردى وڭدەيدى. الماتى پوشتاسىنىڭ ديرەكتورى التىن سادىقوۆا وكق بريفينگىندە وسى سالاداعى مامانداردىڭ تاعى قانداي ىستەر اتقاراتىنىن ايتتى، دەپ حابارلايدى almaty-akshamy.kz
جۋرناليستەردىڭ سۇراقتارىنا جاۋاپ بەرە وتىرىپ، سپيكەر ولاردىڭ كومپانياسى بارلىق قالالار مەن ەلدى مەكەندەردى قوسا العاندا، قازاقستان رەسپۋبليكاسىنىڭ بۇكىل اۋماعى بويىنشا پوشتالىق جانە قارجىلىق قىزمەتتەردىڭ تولىق سپەكترىن ۇسىناتىن ەڭ قارقىندى دامىپ كەلە جاتقان كومپانيالاردىڭ ءبىرى ەكەنىن اتاپ ءوتتى. ەلەكتروندىق ساۋدانىڭ دامۋىمەن سالەمدەمە جونەلتىلىمدەرىنىڭ ايتارلىقتاي ءوسۋى بايقالادى.
مىسالى، «قازپوشتا» جىل سايىن كليەنت ءۇشىن قولايلى جاعداي جاساۋعا باعىتتالعان جاڭا جوبالاردى ىسكە اسىرادى.
«2015 جىلدان باستاپ «سالەمدەمەلەر سۋپەرماركەتى» جاڭا قىزمەتى ەنگىزىلدى. بۇل وزىنە-وزى قىزمەت كورسەتۋ رەجيمىندە پوشتا جونەلتىلىمدەرىن بەرۋ بولىمشەسى. وزىنە-وزى قىزمەت كورسەتۋ ءپرينسيپى كەزەكتەردى الىپ تاستاۋعا جانە سالەمدەمەنى الۋ ۋاقىتىن قىسقارتۋعا مۇمكىندىك بەردى. قازىرگى ۋاقىتتا كليەنتتەر پوشتا جونەلتىلىمدەرى تۋرالى حابارلامانى كۇتپەۋىنە بولادى. ەگەر كليەنتتىڭ تەلەفون ءنومىرى دەرەكتەر بازاسىندا تىركەلگەن بولسا، ۇيالى تەلەفونعا sms – حابارلاما كەلەدى»، - دەپ ءتۇسىندىردى التىن سادىقوۆا.
سونىمەن قاتار، سول 2015 جىلى «پوچتاماتتار» ەنگىزىلدى. بۇل ينتەرنەت-دۇكەندەر مەن كاتالوگتاردا تاپسىرىس بەرىلگەن تاۋارلاردى بەرۋگە ارنالعان اۆتوماتتاندىرىلعان تەرمينالدار، ولار كەم دەگەندە 8 ساعاتتىق جۇمىس رەجيمىمەن بالاما جەتكىزۋ قىزمەتى رەتىندە جاسالعان.
«سونداي-اق كورپوراتيۆتىك ينتەرنەت پورتالى بار «post.kz»، بۇل قىزمەتتەردىڭ گيپەرماركەتى. پورتالدا ونلاين رەجيمىندە پوشتا جانە قارجى قىزمەتتەرىن پايدالانۋشىلار ءۇشىن ونىڭ ىڭعايلىلىعىن ارتتىرۋ بويىنشا جۇمىستار ۇنەمى جۇرگىزىلۋدە. بۇل جۇيە بانك كارتالارىن بايلانىستىرا وتىرىپ، جەكە تۇلعالار ءۇشىن ينتەرنەت-بانكينگتى جۇزەگە اسىرۋعا مۇمكىندىك بەرەدى. سونداي - اق بولىمشەلەردە تولەمدەردى قابىلداۋ بويىنشا تەرمينالدار ورناتىلعان»، - دەپ تولىقتىردى ديرەكتور.
سپيكەردىڭ ايتۋىنشا، سوڭعى بىرنەشە جىلداعى ءۇردىس ءداستۇرلى پوشتا كولەمىنىڭ جىل سايىنعى تومەندەۋىن كورسەتەدى. وسىلايشا، گيبريدتى ەلەكتروندىق پوشتا (گەپ) پايدا بولدى - بۇل پايدالانۋشىلارعا ەلەكتروندىق تۇردە جەكەلەگەن كەزەڭدەردە جىبەرىلگەن حابارلامالارمەن نەمەسە قۇجاتتارمەن الماسۋعا مۇمكىندىك بەرەتىن قىزمەت. وسى تەندەنسيالارعا جاۋاپ رەتىندە گيبريدتى جونەلتۋ قىزمەتتەرى باستاپقى كەزەڭدە جونەلتىمدى ەلەكتروندىق پوشتا (حابارلاما) نىسانىندا اقپاراتتىق جۇيەلەردى، ينتەرنەت-رەسۋرستاردى جانە باسقا دا ەلەكتروندىق تاسىمالداعىشتاردى پايدالانۋ ارقىلى جىبەرۋ ارقىلى ۇسىنىلادى، بۇل پوشتا بولىمشەلەرىنىڭ جۇمىس رەجيمىنە قاراماستان، پايدالانۋشىلارعا كەڭسەدەن شىقپاي-اق، بولىمشەلەرگە بارماي-اق حاتتاردى ونلاين جىبەرۋدى جۇزەگە اسىرۋعا مۇمكىندىك بەرەدى.
جالپى العاندا، «قازپوشتا» 150-دەن استام ەلدەن جونەلتىلىمدەردى قابىلدايدى جانە حاتتار، سالەمدەمەلەر الادى، بۇل – ۇلكەن ارتىقشىلىق.
الماتى پوشتاسى جۇمىس ىستەگەن جىلدارى ءداستۇرلى ەمەس قىزمەتتەر ەنگىزىلدى. «قازپوشتا» كورسەتەتىن قارجىلىق قىزمەتتەر سپەكترىنە زاڭدى جانە جەكە تۇلعالارعا ەسەپ ايىرىسۋ-كاسسالىق قىزمەت كورسەتۋ، ءوز ەميسسياسىنىڭ تولەم كارتوچكالارىنا قىزمەت كورسەتۋ جانە جالاقى جوبالارى، اقشا اۋدارىمدارى، ۆاليۋتا ايىرباستاۋ، حالىقتان تولەمدەردى قابىلداۋ كىرەدى. سونداي - اق، نەسيە بەرۋ، اۋە جانە تەمىرجول بيلەتتەرىن ساتۋ بويىنشا اگەنتتىك قىزمەتتەر كورسەتىلەدى.