الماتى قالاسى پوليسيا دەپارتامەنتىنىڭ جاڭا باسشىسى تاعايىندالدى. بۇل قىزمەتكە بۇعان دەيىن سولتۇستىك قازاقستان وبلىسى پوليسيا دەپارتامەنتىن باسقارعان ايدىن قابدۇلدينوۆ كەلدى، دەپ حابارلايدى Aqshamnews.kz ءتىلشىسى.
اتالعان اقپاراتتى ق ر ىشكى ىستەر مينيسترلىگىنىڭ باسپا ءسوز قىزمەتى راستادى.
"بۇعان دەيىن سولتۇستىك قازاقستان وبلىسى پوليسيا دەپارتامەنتىنىڭ باستىعى قىزمەتىن اتقارعان پوليسيا گەنەرال-مايورى ايدىن توقتار ۇلى قابدۇلدينوۆ الماتى قالاسى پوليسيا دەپارتامەنتىنىڭ باستىعى بولىپ تاعايىندالدى"، – دەلىنگەن مينيسترلىك حابارلاماسىندا.
بۇعان دەيىن الماتى قالالىق پوليسيا دەپارتامەنتىن ارىستانعاني زاپپاروۆ باسقارعان.
ايدىن قابدۇلدينوۆ – پوليسيا گەنەرال-مايورى. ىشكى ىستەر ورگاندارىنداعى قىزمەتىن وسكەمەن قالالىق ءىىب-دا تەرگەۋشى رەتىندە باستاعان. 2000 جىلدان باستاپ الماتى قالاسىنىڭ ىشكى ىستەر بولىمشەلەرىندە قىزمەت اتقارعان.
2004 جىلدان بەرى الماتى قالالىق ءىىد-نىڭ ىشكى قاۋىپسىزدىك باسقارماسىندا ءار جىلدارى تەرگەۋشى، جەدەل ۋاكىل جانە ءبولىم باسشىسى لاۋازىمدارىن اتقارعان. 2012 جىلى – ىشكى قاۋىپسىزدىك باسقارماسى باستىعىنىڭ ورىنباسارى، 2017 جىلدان باستاپ وسى بولىمشەنىڭ باسشىسى بولعان. سونداي-اق باتىس قازاقستان وبلىسى پد-نىڭ ىشكى قاۋىپسىزدىك باسقارماسىن باسقارعان.
2020 جىلعى 23 ساۋىردە الماتى قالاسى پوليسيا دەپارتامەنتى باستىعىنىڭ ورىنباسارى بولىپ تاعايىندالسا، 2022 جىلدىڭ قاڭتار ايىنىڭ سوڭىنان بۇگىنگە دەيىن سقو پوليسيا دەپارتامەنتىن باسقارعان.