الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ ب.اتىحان ۇلى اتىنداعى №36 گيمنازيانىڭ جوعارى سىنىپ وقۋشىلارىمەن كەزدەسۋ وتكىزدى.
كۇن تارتىبىندەگى ماڭىزدى ماسەلەلەر – جاستاردىڭ قۇقىقتىق ساۋاتتىلىعىن ارتتىرۋ، جاسوسپىرىمدەر اراسىنداعى قىلمىستىڭ الدىن الۋ، قالا مەكتەپتەرىندەگى بالالاردىڭ قاۋىپسىزدىگىن قامتاماسىز ەتۋ، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل ماقساتتى اۋديتوريا كەزدەيسوق تاڭدالعان جوق. ويتكەنى، بالانىڭ جاسوسپىرىمدىك شاعىندا قوعامنىڭ جاعىمسىز اسەرلەرى مەن سىرتتان كەلەتىن ءقاۋىپتى فاكتورلاردىڭ اسەر ەتەتىنىن اتا-انا رەتىندە ءبارىمىز دە جاقسى بىلەمىز. ءتىپتى، ءقازىر بالالاردىڭ كوپشىلىگى رۋحاني جانە سپورتتىق دامۋدى ەمەس، كومپيۋتەردە ساعاتتاپ وتىرۋدى قالاپ تۇرعان كەزدە، بۇل ماسەلە الەۋمەتتىك وزەكتى سانالادى. كوبىنە اتا-انالارىنىڭ قولى بوس ەمەستىگىنەن جاسوسپىرىمدەر ءوز بەتىمەن قالادى: ولار ءوز ماسەلەلەرىمەن جانە ساتسىزدىكتەرىمەن جالعىز قالادى، سودان كەيىن، وزدەرىنەن ءسال ۇلكەنىرەك ءجاسوسپىرىم پايدا بولىپ، ەسىرتكىنى قولدانىپ كورۋدى ۇسىنادى. ءبىز، ۇلكەندەر وسى ومىرلىك ماڭىزدى ءساتتى جىبەرىپ الماۋىمىز كەرەك. بالامىزدىڭ قيىن ساتتەرىندە جانىندا بولۋ ماڭىزدى، سوندا ول ءوز اتا-اناسىنىڭ، باۋىرلارىنىڭ جانە اپكەلەرىنىڭ جانىنان قولداۋ ىزدەيتىن بولادى»، – دەدى ارىستانعاني زاپپاروۆ.
جالپى ءبىلىم بەرۋ مەكەمەسىنىڭ ءماجىلىس زالى لىق تولدى: مەكتەپ وقۋشىلارى الماتى قالاسىنىڭ باس پوليسەيىنىڭ ءدارىسىن وتە مۇقيات تىڭدادى، ءبىر كەزدەرى تەرىس جولعا اياق باسقان قۇرداستارىنىڭ تالقاندالعان تاعدىرلارى تۋرالى ءبىلدى. سونداي-اق باس پد باستىعى تىڭداۋشىلاردى ەسىرتكى قىلمىسى ءۇشىن جازانىڭ قاتايتىلعانى تۋرالى حاباردار ەتىپ، جاستار اراسىندا ەسىرتكى تاراتۋ ماسەلەسىنە جەكە توقتالدى.
«بۇگىنگى كۇننىڭ سۇمدىعى – «سينتەتيكا». بۇرىن ساتۋشى مەن تۇتىنۋشى بايلانىستا بولسا، بۇگىندە ولارعا دامىعان ينتەرنەت پەن ءتۇرلى مەسسەندجەرلەر “كومەكتەسەدى”. ءبىرىنشى كەزەكتە، ءبىز جاستاردى جان-جاعىنا مۇقيات قاراپ، ءوز ورتاسىن باعالاۋعا شاقىرامىز. ويتكەنى، بۇل ماڭىزدى فاكتور. دوس – بۇل سەنىڭ قولىڭداعى تەمەكىنى كورىپ، ونى ەكىگە ءبولىپ تاستايتىن ادام بولۋ كەرەك»، – دەدى ارىستانعاني زاپپاروۆ.
بۇل كەزدەسۋدە پوليسەيلەر وتباسىنداعى قىلمىستىق ەلەمەنتتەردى جانە كەز كەلگەن باسقا قوعامعا جات كورىنىستەردى باستاپقى كەزەڭدە انىقتاۋ ءۇشىن مۇعالىمدەردى وقۋشىلاردىڭ ءومىر سالتى مەن كۇندەلىكتى ءومىرىن ساپالى زەردەلەۋگە شاقىردى. وسىلايشا، ءتارتىپ ساقشىلارىنىڭ ويىنشا، كامەلەتكە تولماعان بالانىڭ بولاشاق ومىرىنە وڭ اسەر ەتۋ مۇمكىن بولادى.