الماتى قالالىق پد-نىڭ باستىعى ارىستانعاني زاپپاروۆ پيك توراعالارىمەن جانە وسي ديرەكتورلارىمەن كەزدەسۋلەر وتكىزۋ ءداستۇرىن جالعاستىردى.
ول مۇنداي جيىنداردىڭ قالاداعى زاڭدىلىق پەن ءتارتىپتى قامتاماسىز ەتۋدەگى جوعارى تيىمدىلىگى مەن كومەگىن اتاپ ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇل جولى سىندارلى ديالوگ مەدەۋ اۋدانىنىڭ بەلسەندىلەرىمەن وتكىزىلدى. قوعام بەلسەندىلەرىن تۇنگى ۋاقىتتا ويىن-ساۋىق مەكەمەلەرىندەگى تىنىشتىقتى بۇزۋ دەرەكتەرى الاڭداتادى.
«دەمالۋشىلار – باسقا الەمنەن كەلگەندەر ەمەس، ولار ءبىزدىڭ ازاماتتارىمىز: بالالارىمىز، كورشىلەرىمىز، باۋىرلارىمىز. بۇعان ءوزىمىز دە بەلسەنە قاتىسۋىمىز كەرەك. سوندىقتان جاستاردى بۇكىل قوعام بولىپ تاربيەلەيىك. ءبىز سىزدەرمەن بىرگە عانا ءتارتىپتى جاساي الامىز»، – دەدى ارىستانعاني زاپپاروۆ.
سونىمەن قاتار، سپيكەر بەينەباقىلاۋ جۇيەلەرىن جەتىلدىرۋ قاجەتتىگىن اتاپ ءوتتى.
«سىزدەر پيك ءتوراعالارى، وسي ديرەكتورلارى بۇل جۇمىستى ۇيىمداستىرۋعا مىندەتتىسىزدەر. كىرەبەرىستەردە كامەرالار بار. بۇل كامەرالار 10 جىل بۇرىن ورناتىلعان. قوجايىننان: “جاڭارتۋ بولا ما؟” دەپ سىزدەر سۇراۋلارىڭىز كەرەك ەمەس پە»؟ – دەدى الماتى قالاسىنىڭ باس پوليسەيى.
پيك جانە وسي ءتوراعالارى ءوز كەزەگىندە، مۇنداي جۇمىس كەزدەسۋلەرى وزدەرىنە سەنىپ تاپسىرىلعان ايماقتىڭ كۇندەلىكتى ومىرىنە وڭ اسەر ەتەتىنىنە سەنىم ءبىلدىردى.
«ءبىزدىڭ "الاتاۋ" ىقشاماۋدانى قالانىڭ شەت جاعىندا ورنالاسقاندىقتان، قالاعا تەز جەتىپ، بىردەڭەنى حابارلاۋ وتە قيىن. ءبىزدىڭ ۋچاسكەلىك پوليسيا قىزمەتكەرلەرى بىزبەن تاۋلىك بويى جۇمىس ىستەيدى، ولار كۇندەلىكتى بايلانىستا. ۇلكەن راقمەت. ءبىز وتە ريزامىز. حالىققا مۇنداي كەزدەسۋلەر قاجەت: ءبىز زاڭناماداعى كەيبىر جاڭالىقتاردى ءبىلىپ، وتىنىشتەردى قاراپ، ونى باسقا تۇرعىندارعا جەتكىزە الامىز»، – دەپ اتاپ ءوتتى “الاتاۋ اكتيۆ” پيك ءتوراعاسى تاتيانا اباجەي.