قوستاناي وبلىسىندا ورمان القابىن قالپىنا كەلتىرۋ جۇمىسى باستالىپ كەتتى.
ءدال ءقازىر كۇيگەن اعاشتار كەسىلىپ جاتىر. وتالاتىن ورماننىڭ اۋماعىن انىقتاپ بەلگىلەۋگە 100-گە تارتا ادام جۇمىلدىرىلدى، دەپ حابارلايدى Almaty-akshamy.kz
ال اعاشتى قۇلاتۋ، بۇتاعىن تازالاۋ، تاسىمالداۋ ءتارىزدى شارۋانى 63 ادامنان تۇراتىن 7 بريگادا اتقارادى. سونىمەن قاتار، وسى جۇمىستاردى جەدەل اتقارۋ ءۇشىن 14 تراكتور ساتىپ الىنعان، ولاردىڭ قاتارىن ءالى دە كوبەيتۋ جوسپارلانىپ وتىر. وسى اپتادا وتالعان ورماننىڭ ورنىنا قايىڭ كوشەتتەرى وتىعىزىلادى. ال الداعى اپتادا قاراعاي ەگىلەدى. سونىمەن قاتار، 1 قاراشادان باستاپ ورمانشىلاردىڭ جالاقىسى وسەتىنىن ايتا كەتكەن ءجون.