الاياقتار جاڭا ادىستەردى پايدالانىپ، قازاقستاندىقتاردىڭ جەكە دەرەكتەرىن يەمدەنۋگە كوشكەن.
ولار تاراتقان بەينەجازبالار مونتاجدالعان كادرلاردان قۇرالىپ، جالعان دىبىستىق سۇيەمەلدەۋ جۇرگىزىلگەن، دەپ حابارلايدى aqshamnews.kz
سىبايلاس جەمقورلىققا قارسى ءىس-قيمىل اگەنتتىگى الاياقتار جاڭا ادىستەردى پايدالانىپ، قازاقستاندىقتاردىڭ جەكە دەرەكتەرىن يەمدەنۋگە كوشكەنىن مالىمدەدى.
انتيكوردىڭ مالىمەتىنشە، الاياقتار جاساندى ينتەللەكت تەحنولوگياسىن پايدالانىپ، الەۋمەتتىك جەلىدە اقىلى نەگىزدە ادۆوكاتتىق قىزمەتتى ۇسىنۋ بويىنشا سىلتەمەلەردى باسۋعا جانە جەكە مالىمەتتەرىن بەرۋگە ۇگىتتەيدى.
سىبايلاس جەمقورلىققا قارسى قىزمەت «حالىق زاڭگەرى» اكسياسى اياسىنداعى بارلىق زاڭ كونسۋلتاسيالارى تەگىن نەگىزدە بەرىلەتىنىن ەسكە سالادى. اتالمىش شارا تەك وفلاين فورماتتا وتكىزىلەدى.
"حالىقتى جالعان اقپاراتتارعا سەنبەۋگە، كۇماندى سىلتەمەلەرگە وتپەۋگە، سونداي-اق قاراجات اۋدارماۋعا شاقىرامىز. وسىنداي قوڭىراۋلار مەن حابارلامالاردى العان جاعدايدا قازاقستان رەسپۋبليكاسىنىڭ قۇقىق قورعاۋ ورگاندارىنا دەرەۋ حابارلاۋدى سۇرايمىز"،-دەلىنگەن انتيكور حابارلاماسىندا.