حالىقارالىق تاجىريبەنى زەردەلەۋ، تۇرمىستىق زورلىق-زومبىلىقتىڭ الدىن الۋدىڭ ەڭ ءتيىمدى قۇرالدارىنىڭ ءبىرى “ODARA” ادىستەمەسى بويىنشا قايتالاناتىن قۇقىق بۇزۋشىلىقتاردى جاساۋ ءقاۋپىن باعالاۋ جانە اگرەسسورلارعا كومەك كورسەتۋ ورتالىقتارىندا تۇزەۋ باعدارلاماسىنىڭ كۋرسىن ءوتۋ ەكەنىن كورسەتتى.
جەرگىلىكتى پوليسيا قىزمەتىنىڭ حابارلاۋىنشا، بۇل ءادىس العاش رەت ىشكى ىستەر ءمينيسترى مارات احمەتجانوۆتىڭ، ق ر پرەزيدەنت اكىمشىلىگى باسشىسىنىڭ ورىنباسارى ايدا بالايەۆانىڭ، ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆانىڭ، اقپارات جانە الەۋمەتتىك دامۋ ءمينيسترى دارحان ءقىدارالىنىڭ، ق ر باس پروكۋرورىنىڭ ورىنباسارى جاندوس ومىرالييەۆتىڭ قاتىسۋىمەن وتكەن “ارىپتەستىك – تۇرمىستىق زورلىق-زومبىلىقتىڭ الدىن الۋ قۇرالى” اتتى فورۋمدا تىڭدالدى. ول جەردە گەرمانيا تاجىريبەسى جان-جاقتى قولداۋ تاۋىپ، تۇرمىستىق زورلىق-زومبىلىقتىڭ الدىن الۋدىڭ ءتيىمدى قۇرالى رەتىندە باعالاندى.
«وسى فورۋمدا اگرەسسورلارمەن جۇمىس ىستەۋدىڭ بۇل ءادىسىن ءبىرقاتار قالالاردا، سونىڭ ىشىندە الماتىدا ەنگىزۋ تۋرالى شەشىم قابىلداندى. ول ءبىرىنشى ناۋرىزدا پيلوتتىق رەجيمدە باستالدى. بۇگىن ءبىز وتباسىلىق زورلىق-زومبىلىق ءقاۋپىن باعالاۋ بويىنشا ۆەدومستۆوارالىق توپ قۇرۋ ماقساتىندا دوڭگەلەك ۇستەل وتكىزدىك. مۇددەلى مەملەكەتتىك ورگاندار مەن ۇكىمەتتىك ەمەس سەكتور قوسىلدى. تۇرمىستىق زورلىق-زومبىلىقتىڭ الدىن الۋدىڭ جاڭا ادىستەمەسىنەن وڭ ناتيجە كۇتەمىز»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى دياس دۋانبەكوۆ.