ترانسكاسپيي حالىقارالىق كولىك باعىتىندا ترانزيتتىك جۇكتىڭ ءوتۋ مەرزىمى 12 كۇننەن 6 كۇنگە قىسقاردى.
بيىل بۇل كورسەتكىشتى بەس كۇنگە دەيىن ازايتۋ جوسپاردا تۇر. جالپى، قىتايدان قارا تەڭىزدەگى پورتتارعا جۇك جەتكىزۋ مەرزىمى 53-تەن 23 كۇنگە دەيىن ازايدى. جىل سوڭىنا قاراي 14-18 كۇنگە قىسقارۋى ءتيىس، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل جايىندا پرەمەر-مينيستردىڭ توراعالىعىمەن وتكەن كەڭەستە ايتىلدى. جيىندا قازاقستاننىڭ تەمىرجول ينفراقۇرىلىمىن جاڭعىرتۋ، اقتاۋ پورتىندا كونتەينەرلىك حاب قۇرۋ، قايتا تيەۋ تەحنيكاسى مەن مۇناي قۇيۋ ايلاقتارىن قالپىنا كەلتىرۋ جايى تالقىلاندى. قۇرىق پورتىندا جاڭا ايلاق سالۋ، كوپفۋنكسيونالدى جانە استىق تەرمينالدارىن ىسكە قوسۋ جوسپاردا تۇرعانى ايتىلدى.
2030 جىلعا قاراي كاسپييدە 10 مۇناي قۇيۋ بارجاسى، 8 پاروم، 6 تانكەر جانە كونتەينەرلىك كەمە جۇمىس ىستەي باستايدى. كەڭەستە قازاقستان مەن جۇڭگو اراسىنداعى كەدەندىك راسىمدەردى وڭتايلاتۋ مەن تاسىمالداۋ كەلىسىمىن دايىنداۋ ماسەلەسى قارالدى.