قوعامدىق ورىنداردا كاليان جانە باسقا دا تەمەكى ونىمدەرىن پايدالانۋ دەرەكتەرىن انىقتاۋ، سونداي-اق كامەلەتكە تولماعانداردىڭ ويىن-ساۋىق ورىندارىندا بولۋىنا جول بەرمەۋ ماقساتىندا وتكەن دەمالىس كۇندەرى قالادا اۋقىمدى ءىس-شارا وتكىزىلدى، دەپ حابارلايدى aqshamnews.kz Polisia.kz-كە سىلتەمە جاساپ.
ناتيجەسىندە 197 ادام اكىمشىلىك جاۋاپكەرشىلىككە تارتىلدى. 26 ويىن-ساۋىق مەكەمەسىنەن 200-دەن استام كاليان تاركىلەندى.
سونىمەن قاتار ءدامحانا، بار جانە كومپيۋتەرلىك كلۋبتاردا ەرەسەكتەردىڭ قاراۋىنسىز جۇرگەن 7 كامەلەتكە تولماعان ءجاسوسپىرىم انىقتالدى. ولاردىڭ اتا-انالارى مەن ويىن-ساۋىق مەكەمەلەرىنىڭ اكىمشىلىگى جاۋاپكەرشىلىككە تارتىلدى.
سونداي-اق ءۇش باردا جۇرگىزىلگەن جەرگىلىكتى رەيد بارىسىندا ەلىمىزدىڭ كوشى-قون زاڭناماسىن بۇزىپ، زاڭسىز ەڭبەك قىزمەتىمەن اينالىسقان شەتەلدىكتەر انىقتالدى.