الماتى قالالىق اكىمشىلىك پوليسياسىنىڭ مالىمەتىنشە، 9 مىڭنان استام ازاماتتىق قارۋ يەسى تەكسەرىلگەن.
99 زاڭدى تۇلعا، ونىڭ ىشىندە 6 مامانداندىرىلعان دۇكەندە ساقتاۋ شارتتارى مەن تىركەۋ ەرەجەلەرىنىڭ ساقتالۋى، قىزمەتتىك قارۋ مەن ولارعا ارنالعان پاترونداردىڭ قايتا رەسىمدەلۋى تەكسەرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ەستەرىڭىزگە سالا كەتەيىك، ءتيىستى قوعامدىق ءتارتىپتى ساقتاۋ، اتىس قارۋىن قولدانۋمەن بايلانىستى قىلمىستاردىڭ الدىن الۋ جانە جولىن كەسۋ، سونداي-اق ازاماتتىق جانە قىزمەتتىك قارۋ اينالىمىنا ءتيىمدى مەملەكەتتىك باقىلاۋدى جۇزەگە اسىرۋ ماقساتىندا قالادا 27 اقپان مەن 10 ناۋرىز ارالىعىندا جالپىرەسپۋبليكالىق «قارۋ» جەدەل الدىن الۋ ءىس-شاراسى وتكىزىلىپ جاتىر. ازاماتتىق جانە قىزمەتتىك قارۋ اينالىمىنا ءتيىمدى مەملەكەتتىك باقىلاۋدى قامتاماسىز ەتۋ بويىنشا بەلگىلى ءبىر شارالار قابىلداندى»، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
ونىڭ ايتۋىنشا، قارۋدى ساقتاۋ شارتتارى مەن تىركەۋ، قايتا تىركەۋ ەرەجەلەرىن بۇزۋدىڭ 486 دەرەگى انىقتالدى، ناتيجەسىندە ق ر اقبتك-نىڭ 484-بابى جانە ق ر اقبتك-نىڭ 486-بابى بويىنشا 482 جەكە مەنشىك يەسى جانە 4 زاڭدى تۇلعا اكىمشىلىك جاۋاپكەرشىلىككە تارتىلدى. انىقتالعان زاڭ بۇزۋشىلىقتار جويىلعانعا دەيىن 358 بىرلىك تىركەلگەن قارۋ تاركىلەندى. سونىمەن قاتار جەدەل الدىن الۋ ءىس-شارالار باستالعاننان بەرى تىركەلمەگەن قارۋ-جاراقتىڭ 61 بىرلىگى، جارىلعىش قۇرىلعىنىڭ ءبىر بىرلىگى، مىلتىقتان 670 پاترون، تەگىس ۇڭعىلى قارۋدان 143 پاترون، تراۆماتيكالىق قارۋدان 11 پاترون، بەس بىرلىك سۋىق قارۋ، 9 گراناتا جانە 276 ەلەكتروشوكەرلەر زاڭسىز اينالىمنان تاركىلەندى. ق ر قك-نىڭ 287-بابى بويىنشا تىركەلمەگەن تەگىس ۇڭعىلى، گاز-تراۆماتيكالىق جانە گازدى اتىس قارۋىن زاڭسىز ساقتاۋ دەرەگى بويىنشا بارلىعى 27 قىلمىستىق ءىس جانە ق ر قك-نىڭ 482-بابى بويىنشا التى اكىمشىلىك ءىس قوزعالدى.