بۇل - ەلىمىزدە الداعى ءۇش جىلدىڭ ىشىندە ورىندالۋى ءتيىس مەجە.
Qazaqstan.tv ارناسىنىڭ «باس تاقىرىپ» باعدارلاماسىندا بۇل تۋرالى پرەمەر-مينيستردىڭ ورىنباسارى التاي كولگىنوۆ ايتتى، دەپ حابارلايدى Almaty-akshamy.kz.
ونىڭ بارىسىندا «جايلى مەكتەپ» ۇلتتىق جوباسىنىڭ اياسىندا اتقارىلاتىن جۇمىس جايلى اڭگىمە ءوربىدى. جالپى، ەلىمىزدە 240 مىڭ وقۋشىعا ورىن جەتپەيدى. ءالى 150 مەكتەپ ءۇش اۋىسىمدا جۇمىس ىستەپ كەلەدى. ءتىپتى، سامان كىرپىشتەن سالىنعان، اپاتتى جاعدايدا تۇرعان ءبىلىم وشاقتارى بار. بۇل ماسەلەلەر كەزەڭ-كەزەڭىمەن «جايلى مەكتەپ» جوباسى شەڭبەرىنشە وڭ شەشىمىن تابادى.
«2 ترلن 600 ملرد تەڭگە تەك وسى مەكتەپتەردى سالۋعا 2026 جىلعا دەيىن قاراجات بەكىتىلدى. بىرىنشىدەن، «جايلى مەكتەپ» اياسىندا 400-دەن استام جاڭا مەكتەپ پايدا بولادى. بارلىق جاعدايلار، تالاپتارمەن سالىنادى. قوسىمشا قاراجات كوزدەرىنىڭ قاراستىرىلۋىنا بايلانىستى، 1،5 ميلليون وقۋشىعا ارناپ 500-دەن استام مەكتەپ سالىنادى»، - دەدى ق ر پرەمەر-مينيستردىڭ ورىنباارى التاي كولگىنوۆ.