ۇلتتىق قۇراما 13-ورىننان 9-ساتىعا كوتەرىلدى.
قازاقستان ۇلتتىق قۇراماسى حالىقارالىق تەننيس فەدەراسياسى (ITF ) ديەۆيس كۋبوگى رەيتينگىندەگى كورسەتكىشىن جاقسارتتى، دەپ حابارلايدى Almaty-akshamy.kz قازاقستان تەننيس فەدەراسياسىنا سىلتەمە جاساپ.
قازاقستان تەننيس فەدەراسياسى ءمالىم ەتكەنىندەي، ۇلتتىق قۇراما 13-ورىننان 9-ساتىعا كوتەرىلدى. وسىلايشا قازاقستان قۇراماسى ۇزدىك وندىققا كىردى. بۇل ديەۆيس كۋبوگى ىرىكتەۋ كەزەڭىندە نورۆەگيا قۇراماسىن جەڭۋى ارقاسىندا مۇمكىن بولدى. ءسويتىپ، الەم چەمپيوناتىنىڭ فينالدىق كەزەڭىنە جولداما العان ەدى.
ديەۆيس كۋبوگىنىڭ فينالدىق كەزەڭى بيىل قىركۇيەك ايىندا، پلەي-وفف باسەكەلەرى قاراشادا وتەدى. فينال مەن پلەي-وفف ويىندارى بولاتىن قالالار ناۋرىزدىڭ اياعى نە ءساۋىردىڭ باسىندا انىقتالادى.