الماتى اكىمى دارحان امانگەلدى ۇلى ساتىبالدى فيلولوگيا عىلىمدارىنىڭ كانديداتى، ابايتانۋشى-عالىم بازاربەك اتىعايعا قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆتىڭ قۇتتىقتاۋ حاتىن تابىس ەتتى.
مەملەكەت باسشىسى عالىمعا ۇلى ابايدىڭ 180 جىلدىعى قارساڭىندا «اباي» باسپاسىنان جارىق كورگەن قازاقتىڭ كاسىبي كوركەم اۋدارماسىنىڭ باستاۋىنداي اباي مەكتەبىنىڭ كورنەكتى وكىلدەرى شاكەرىم قۇدايبەردى ۇلى، اسەت نايمانباي ۇلى، ءۋايىس شوندىباي ۇلى، تۇراعۇل اباي ۇلى، دانيال ىسقاقوۆتاردىڭ كوركەم اۋدارمالارىنا عىلىمي تۇرعىدا تەوريالىق، تەكستولوگيالىق تالداۋ جاساعان «ابايدىڭ اۋدارما مەكتەبى» اتتى عىلىمي ەڭبەگى، قۇنانباي اۋلەتىنىڭ ءبىر جۇرناعى، قازاقتان شىققان تۇڭعىش قارجىگەر، اعارتۋشى، اۋدارماشى دانيال ىسقاقوۆتىڭ شىعارمالارى جيناعى مەن شاكەرىم قۇدايبەردى ۇلى ءومىرىنىڭ سوڭعى كەزەڭدەرىنە بايلانىستى، اسىرەسە، ونىڭ قازاعا ۇشىرايتىن ۋاقىتىن قامتيتىن وقيعالارعا، ەستەلىكتەرگە، ارحيۆ مۇراعاتتارىنا، ماقالالارعا شولۋ جاساۋ ارقىلىسالىستىرمالى زەرتتەۋ جۇمىسى جانرىندا جازىلعان «شەيىت» كىتابى ءۇشىن قۇتتىقتاۋ حاتىن جىبەرگەن ەدى.
قالا اكىمى عالىمعا مىقتى دەنساۋلىق، وتباسىنا اماندىق، ىسىنە بەرەكە، شىعارماشىلىق تابىستار تىلەدى.