الماتى قالاسىندا پوليسيا ازاماتتاردىڭ، اسىرەسە كامەلەتكە تولماعانداردىڭ قاۋىپسىزدىگىنە قاتەر توندىرەتىن كونترافاكت پيروتەحنيكالىق ونىمدەردى انىقتاۋ جانە تاركىلەۋ بويىنشا جۇيەلى جۇمىستار جۇرگىزۋدە، دەپ حابارلايدى aqshamnews.kz Polisia.kz-كە سىلتەمە جاساپ.
قالانىڭ بازارلارى مەن ساۋدا نۇكتەلەرىندە جاراقاتتانۋدىڭ الدىن الۋعا باعىتتالعان رەيدتىك جانە پروفيلاكتيكالىق ءىس-شارالار ۇيىمداستىرىلدى. ەرەجەنى بۇزعان تۇلعالار جاۋاپكەرشىلىككە تارتىلىپ، زاڭسىز ونىمدەر تاركىلەنۋدە. بالالار اراسىنداعى پروفيلاكتيكالىق جۇمىس ەرەكشە نازاردا. ءبىلىم بەرۋ ۇيىمدارىمەن بىرلەسىپ، پيروتەحنيكانى ءقاۋىپسىز قولدانۋ جونىندە دارىستەر مەن تۇسىندىرمە كەزدەسۋلەر وتكىزىلۋدە.
"پروفيلاكتيكا جىلى اياسىندا جانە جاڭا جىلدىق مەرەكەلەر قارساڭىندا قوعامدىق قاۋىپسىزدىكتى قامتاماسىز ەتۋ ماقساتىندا پيروتەحنيكالىق بۇيىمداردىڭ اينالىمىنا باقىلاۋ كۇشەيتىلدى. ءبىلىم بەرۋ ۇيىمدارىمەن بىرلەسىپ، قاۋىپسىزدىك ەرەجەلەرىن تۇسىندىرەمىز، ارنايى دۇكەننەن تىس جەرلەردەن پيروتەحنيكا ساتىپ الۋدىڭ قاۋىپتىلىگىن ەسكەرتەمىز. پوليسيا، مەملەكەتتىك ورگاندار جانە ازاماتتاردىڭ بىرىگىپ ارەكەت ەتكەندە عانا مەرەكەنى جازاتايىم وقيعاسىز وتكىزىپ، بالالارىمىزدىڭ دەنساۋلىعىن قورعاي الامىز"، – دەدى الماتى قالاسى پوليسيا دەپارتامەنتىنىڭ قوعامدىق قاۋىپسىزدىك باسقارماسىنىڭ باستىعى اسحات قۇلبايەۆ.
پوليسيا ازاماتتاردى پيروتەحنيكالىق بۇيىمداردى تەك ارنايى ليسەنزيالانعان دۇكەندەردەن ساتىپ الۋعا جانە ولاردى قولدانۋ ءتارتىبىن قاتاڭ ساقتاۋعا شاقىرادى.