قايىرىمدىلىق قورلارىنىڭ جۇمىسىنا سەنەتىندەر از

حالىقتىڭ 16 پايىزعا جۋىعى جەكە قايىرىمدىلىقپەن اينالىساتىندارعا سەنىم بىلدىرگەن، دەپ حابارلايدى aqshamnews.kz

ەل ازاماتتارىنىڭ شامامەن 25%-ى قايىرىمدىلىق قورلارىنا مۇلدە سەنبەيتىنىن ايتقان.

ققدي الەۋمەتتانۋلىق زەرتتەۋلەر ورتالىعىنىڭ ساراپشىسى گۇلسايران نۇرتايدىڭ ايتۋىنشا، بۇل شارتتى تۇردە ءار ءتورتىنشى ادامعا سايكەس كەلەدى.

«قىزىعى، قايىرىمدىلىق قورلارىنا ءشۇباسىز سەنەتىندەر ۇلەسى دە وسى شامادا – 26،4%. ال رەسپوندەنتتەردىڭ 45%-دان استامى قايىرىمدىلىق قورلارىنا ءىشىنارا سەنەدى، اتاپ ايتساق، ولاردىڭ 29،6%-ى تەك كەيبىر قايىرىمدىلىق قورلارىنا سەنىم بىلدىرسە، 15،8%-ى قورلارعا ەمەس، قايىرىمدىلىقپەن جەكە اينالىساتىندارعا سەنەتىنىن ايتقان»، – دەدى ساراپشى.

سونداي-اق جيىندا قازاقستاندىقتاردىڭ سانالى اتا-انا بولۋدى قالاي تۇسىنەتىنى تۋرالى ايتىلدى.

«زەرتتەۋگە سۇيەنسەك، رەسپوندەنتتەردىڭ 61،4%-ى اتا-انا ءرولىن ومىرىندەگى ەڭ باستى قۇندىلىق دەپ باعالاسا، 29،2%-ى اسا ماڭىزدى اسپەكتىلەردىڭ ءبىرى دەپ سانايدى. ودان بولەك، بالالار وتباسىنىڭ باستى قۇندىلىقتارى اراسىندا ءۇشىنشى ورىندا (38،7%) تۇر»، - دەيدى ققدي وتباسى جانە گەندەرلىك ساياسات سالاسىنداعى زەرتتەۋلەر ورتالىعىنىڭ باسشىسى اقنۇر يمانقۇل.

ماماننىڭ سوزىنشە، قازاقستان قوعامىندا اتا-انا بولۋدىڭ مارتەبەسى جوعارى.

ايتا كەتسەك، 2021 جىلى قۇرىلعان ەكسپەرتتىك كلۋب 62 تالقىلاۋ وتىرىسىن وتكىزىپ، وعان 2500-دەن استام ازامات قاتىسقان.