وسى قىلمىستى جاسادى دەگەن كۇدىكتى قولعا ءتۇستى.
مەدەۋ اۋدانىنىڭ پوليسەيلەرى الماتى وبلىسىنىڭ 34 جاستاعى تۇرعىنىن ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«1989 جىلى تۋعان ي.ەسىمدى ازامات تەرەزە ارقىلى بوتەن بىرەۋدىڭ ۇيىنە كىرىپ، ودان جاسىرىن تۇردە سەيفتى ۇرلاپ كەتكەن. سەيفتىڭ ىشىندە ءىرى كولەمدە اقشا بولدى. ۇرلىق بولعان كەزدە ءۇي يەلەرى بولماعان، ولار بىرنەشە كۇن بۇرىن دەمالىسقا كەتكەن. وتاعاسىنىڭ ايتۋىنشا، ول جەكە كاسىپكەر. ونىڭ سەيفىندە 250 مىڭ دوللار بولعان. جەدەل جانە ارنايى ءىس-شارالاردىڭ ناتيجەسىندە قىلمىس اشىلدى. كۇدىكتى ۇستالىپ، كىناسىن مويىندادى. كۇدىكتىنىڭ تۇرعىلىقتى جەرىندە ءتىنتۋ جۇرگىزىلدى. ول ۇرلانعان اقشانى تىعىپ قويعان. ايعاقتى زاتتار تاركىلەنىپ، قىلمىستىق ءىس ماتەريالدارىنا تىركەلدى»، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
ق ر قپك-نىڭ 201-بابىنا سايكەس، وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.