28 تامىز كۇنى «حالىقارالىق باعدارلامالار ورتالىعى» شەتەلدە عىلىمي تاعىلىمدامادان ءوتىنىش قابىلداۋ باستايدى، دەپ حابارلايدى Almaty-akshamy.kz.
شەتەلدە عىلىمي تاعىلىمدامادان (500 عالىم) ءوتۋ ءۇشىن كونكۋرستىق ىرىكتەۋگە قاتىسۋعا ءوتىنىش بەرۋ 13 قازانعا دەيىن جالعاسادى. رەسپۋبليكالىق كوميسسيا گرانت تاعايىنداۋدى جەلتوقسان ايلارىندا جۇزەگە اسىرادى.
كونكۋرسقا قاتىسۋ ءۇشىن قۇجاتتاردى «حالىقارالىق باعدارلامالار ورتالىعى» اق-دا مىنا مەكەنجايدا:
استانا قالاسى، سىعاناق ك-سى، 70ء-ۇي «سىعاناق» بيزنەس ورتالىعى، 5-قابات، 508-كابينەتتە قولما قول (قاعاز جۇزىندە، سونداي-اق ەلەكتروندى تاسىمالداعىشتاعى سكانەرلەنگەن نۇسقاسى) قابىلدانادى.
«ەسكەرتە كەتەيىك: قۇجاتتى ءۇشىنشى تۇلعا كەلىپ تاپسىرعان جاعدايدا – كونكۋرستىق ىرىكتەۋگە قاتىسۋعا قۇجات تاپسىرۋ ءۇشىن وكىلدىڭ اتىنا بەرىلگەن ۇمىتكەردەن نوتاريالدى كۋالاندىرىلعان سەنىمحاتتىڭ ءتۇپنۇسقاسى بولۋى قاجەت»، دەپ جازدى «حالىقارالىق باعدارلامالار ورتالىعى»