الەۋمەتتىك جەلىلەردەگى حاكەرلىك فورۋمداردا بانك كليەنتتەرىنىڭ دەرەكتەر بازاسىنا سۇرانىس جوعارى.
سونداي-اق مۇنداي اقپاراتتار اقىلى. بۇل وزىندىك ءبىر كولەڭكەلى بيزنەس ءتۇرى سانالادى، - دەيدى كيبەرشابۋىلداردى تالداۋ جانە تەرگەۋ ورتالىعىنىڭ ماماندارى. دەربەس دەرەكتەر جەلىگە تاراپ كەتپەۋى ءۇشىن ساراپشىلار بەلگىسىز سايتتارعا كىرمەۋگە شاقىرادى، دەپ حابارلايدى Almaty-akshamy.kz.
24.kz سايتىنىڭ حابارلاۋىنشا، كوپ جاعدايدا ينتەرنەت-ويىندار مەن ونلاين ساتىپ الۋ سايتتارىنا كىرگەن پايدالانۋشىلار اككىلەردىڭ قارماعىنا ءجيى تۇسەدى.
ولجاس ساتييەۆ، كيبەر شابۋىلداردى تالداۋ جانە تەرگەۋ ورتالىعىنىڭ باسشىسى: -
كوپ ازامات تەگىن نارسەگە قۇمار. ۇتىس ويىندارىن كورسە، اينالىپ وتە المايدى. ولار اسىعىستىقتان الەۋمەتتىك جەلىدەگى اقپاراتتىڭ راس-وتىرىگىن تەكسەرمەيدى دە. ويلانباستان جەكە دەرەكتەرىن وزدەرى جىبەرە سالادى. سوندىقتان كيبەر-گيگيەنا ۇعىمىن ناسيحاتتاۋ كەرەك. اقشانى وزگەنىڭ ەسەپشوتىنا اۋدارماس بۇرىن، بىرنەشە مارتە ويلانۋ قاجەت. جىبەرگەن سىلتەمەلەرگە وتپەۋ كەرەك.