ءۇش پارا بەرۋشى ناقتى مەرزىمگە باس بوستاندىعىنان ايىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جىل باسىنان بەرى وسى جوبا اياسىندا الماتى پوليسياسى ونداعان پارا بەرۋ دەرەگىن انىقتاپ، لاۋازىمدى تۇلعاعا پارا بەرۋدىڭ بەس ارەكەتىنىڭ جولىن كەستى. تاجىريبە كورسەتكەندەي، جۇمىستىڭ بۇل ءتۇرى جانە ازاماتتارمەن بايلانىسۋ كەزىندە ەگجەي-تەگجەيگە نازار اۋدارۋ، جەكە قۇرامدى تارتىپكە كەلتىرىپ قانا قويمايدى، سونىمەن قاتار پروفيلاكتيكالىق اسەرگە يە جانە ازاماتتاردىڭ جاۋاپكەرشىلىك دەڭگەيىن ارتتىرادى»، – دەدى الماتى قالالىق پد وزىندىك قاۋىپسىزدىك باسقارماسىنىڭ باستىعى ەرىك جۇماباي.
س.ەسىمدى ازامات سوتتالعانداردىڭ اراسىندا اعىمداعى جىلدىڭ ناۋرىز ايىندا مەملەكەتتىك فۋنكسيالاردى ورىنداۋعا ۋاكىلەتتى تۇلعاعا قوماقتى مولشەردە پارا بەرۋگە يتەرمەلەگەن. 23 ماۋسىمداعى الماتى قالاسى بويىنشا قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن ق ر قك-نىڭ 28-بابى 4-بولىگىندە ( باسقا ادامدى ازعىرۋ، پاراعا ساتىپ الۋ، قورقىتۋ جولىمەن نەمەسە باسقا دا تاسىلمەن قىلمىستىق قۇقىق بۇزۋشىلىق جاساۋعا كوندiرگەن ادام ايداپ سالۋشى دەپ تانىلادى) جانە ق ر قك-نىڭ 367-بابى 4-بولىگىندە (وسى باپتىڭ ءبىرىنشى، ەكىنشى نەمەسە ءۇشىنشى بولىكتەرىندە كوزدەلگەن ىس-ارەكەتتەر، ەگەر ولار اسا ءىرى مولشەردە جاسالسا نەمەسە ولاردى قىلمىستىق توپ جاساسا) كوزدەلگەن قىلمىستى جاساعانى ءۇشىن كىنالى دەپ تانىلدى جانە 10 جىلعا باس بوستاندىعىنان ايىرىلدى.