مۇنداي رەيدتىك ءىس-شارالار تۇراقتى تۇردە وتكىزىلەتىن بولادى.
“ميگرانت” جەدەل الدىن الۋ ءىس-شاراسى اياسىندا جەرگىلىكتى پوليسيا قىزمەتى مەن كوشى-قون قىزمەتىنىڭ قىزمەتكەرلەرى “كوك بازار” اۋماعىندا زاڭسىز جۇرگەن ازاماتتاردى انىقتاۋ ماقساتىندا رەيد جۇرگىزدى، دەپ حابارلايدى aqshamnews.kz Polisia.kz-كە سىلتەمە جاساپ.
«الدىن الۋ شارالارىنىڭ ناتيجەسىندە اۋداندىق پوليسيا باسقارماسىنا 72 شەتەل ازاماتى جەتكىزىلىپ، ولاردىڭ ءارقايسىسىنىڭ قازاقستان رەسپۋبليكاسىندا ۋاقىتشا تۇرۋعا رۇقساتى بار-جوعىنا قۇجاتتارى تەكسەرىلدى. كوشى-قون زاڭناماسىن بۇزعان 15 ادامعا قاتىستى اكىمشىلىك قۇقىق بۇزۋشىلىق تۋرالى حاتتامالار تولتىرىلىپ، سوتتىڭ قاراۋىنا جىبەرىلدى. پوليسيا باسقارماسىنا جەتكىزىلگەن بارلىق شەتەلدىك ازاماتقا قازاقستان رەسپۋبليكاسىنىڭ كوشى-قون زاڭناماسىنىڭ نورمالارى ءتۇسىندىرىلدى. ولاردىڭ ءارقايسىسىنا قازاقستان رەسپۋبليكاسىندا بولۋ ەرەجەلەرىن بۇزعانى ءۇشىن جاۋاپكەرشىلىكتىڭ جوعارى بولاتىندىعى تاعى دا ەسكەرتىلدى»،-دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆ.