تەرگەۋ شارالارى جۇرگىزىلىپ جاتىر.
الماتى پوليسەيلەرى قالا تۇرعىندارىن الدادى دەگەن كۇدىكپەن 27 جاستاعى ازاماتتى ۇستادى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، ە. ەسىمدى جاس جىگىتتىڭ ارەكەتتەرىنەن كەلتىرىلگەن جالپى ماتەريالدىق شىعىن 36 ميلليون تەڭگەنى قۇراعان.
«زارداپ شەككەندەردىڭ ءبىرىنىڭ نۇسقاسى بويىنشا، ول ە.ەسىمدى ازاماتتى بۇرىننان بىلەدى، ول بىرنەشە ءتيىمدى تەندەرلەردى ۇتىپ الدىم دەپ سەندىرىپ، بىرلەسكەن كاسىپكە اقشا سالۋدى ۇسىنادى. وعان قاراجات اۋدارىلعاننان كەيىن ول حابارلاسۋدى توقتاتقان. سوتقا دەيىنگى تەرگەۋ بارىسىندا تاعى ەكى قىلمىستىق ەپيزود انىقتالدى. ءبىر جاعدايدا ەر ادام ءوزىن تەرگەۋشى رەتىندە تانىستىرىپ، قىلمىستىق ءىستى توقتاتۋعا كومەكتەسۋگە ۋادە بەرىپ، باسقا ادامداردىڭ اقشاسىن جىمقىرعان، ەكىنشىسىندە – ەليتالىق اۆتوكولىكتى تومەن باعامەن ساتىپ الۋعا كومەكتەسەمىن دەپ ۋادە ەتكەن»، – دەيدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
تەرگەۋ كەزەڭىندە ۇستالعان ادامعا قاتىستى قاماۋعا الۋ تۇرىندەگى بۇلتارتپاۋ شاراسى تاڭدالىپ، ۋاقىتشا ۇستاۋ يزولياتورىنا قامالدى. تەرگەۋ شارالارى جۇرگىزىلۋدە.
