پوليسيا قىزمەتكەرلەرى “الماتى تازالىق” كوممۋنالدىق كاسىپورنىنىڭ قىسقا دايىندىعىن تەكسەردى، دەپ حابارلايدى Almaty-akshamy.kz.
«ءبىزدىڭ بولىمشەنىڭ تەحنيكالىق بايقاۋ ءبولىمىنىڭ قىزمەتكەرلەرى مەردىگەر ۇيىمداردىڭ قىسقى كوشەلەردى كۇتىپ ۇستاۋعا دايىندىعىن تەكسەرىپ جاتىر. ءقازىر ءبىز “الماتى تازالىق” كوممۋنالدىق مەملەكەتتىك كاسىپورنىنىڭ فيليالىندامىز، وندا تەحنيكالىق قۇرال-جابدىقتاردىڭ جاعدايى مەن قىسقى كوشە تازالاۋ جۇمىستارىنا دايىندىق جاعدايى تەكسەرىلۋدە. وندىرىستىك بازانى جابدىقتاۋعا، سونداي-اق ولاردىڭ جۇمىسكەرلەرىنىڭ تاۋلىك بويى كەزەكشىلىگىن ۇيىمداستىرۋعا ەرەكشە نازار اۋدارىلادى. كەستەگە سايكەس تەحنيكا، قۇرال-جابدىقتار، جۇمىس قۇرالدارى مەن شىعىن ماتەريالدارى، تازالاۋ تەحنيكاسىنىڭ ءجۇرۋ باعىتتارى، سونداي-اق قىزمەتكەرلەر قۇرامى تەكسەرىلدى. ماقسات – جول قاۋىپسىزدىگىن قامتاماسىز ەتۋ، جول-كولىك وقيعالارىن ازايتۋ جانە جاۋىن-شاشىن كەزىندە ازاماتتارعا ءقاۋىپسىز جاعداي جاساۋ. كوممۋنالدىق كاسىپورىنداردى تەكسەرۋدىڭ ءبىرىنشى كەزەڭى 15 قاراشاعادەيىن جۇرگىزىلەدى»، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى بولاتبەك باياتانوۆ.
بيىل قالاعا قىسقى ۋاقىتتا قىزمەت كورسەتۋ ءۇشىن 818 بىرلىك تەحنيكا مەن 1240 جول جۇمىسشىسى تارتىلدى.