تۇرعىن ءۇي باعاسى تۇراقتاماي تۇر

ۇلتتىق ستاتيستيكا باسقارماسىنىڭ رەسمي دەرەكتەرىنە سايكەس، 2023 جىلدىڭ قازان ايىندا تۇرعىن ءۇي باعاسى كوتەرىلگەن. 

جاڭا تۇرعىن ءۇي باعاسى ءبىر ايدا 0،3%-عا ءوسىپ، شارشى مەترى 493،5 مىڭ تەڭگەگە باعالانۋدا.  ال ەكىنشى ساناتتاعى ۇيلەردىڭ ساتۋ باعاسى بىردەن 0،7%-عا ءوسىپ، ءبىر شارشى مەترى 489،2 مىڭ تەڭگەگە جەتكەن. بىلايشا ايتقاندا وسى جىلعى رەكوردتى ورناتتى، دەپ حابارلايدى اlmaty-akshamy.kz.

جاڭا ۇسب ءادىسى بويىنشا جيناقتالعان جىلدىق ءوسىم جاڭا ۇيلەر ءۇشىن 5،1%، ال ەكىنشى سانتتاعى باسپانا ءۇشىن مينۋس 5،3% قۇرادى. سالىستىرمالى تۇردە ايتقاندا ءبىر جىل بۇرىن جاڭا تۇرعىن ۇيلەردىڭ ءبىر شارشى مەترى 430،6 مىڭ تەڭگەگە باعالانسا،  ەكىنشى ساناتتاعى تۇرعىن ءۇيدىڭ شارشى مەترى نارىقتا 484،9 مىڭ تەڭگەگە ساۋدالانعان. وسىلايشا، جاڭا تۇرعىن ءۇي بويىنشا جيىنتىق جيناقتالعان ءوسىم 14،6%، ال ەسكى تۇرعىن ءۇي بويىنشا 0،8% قۇرادى. وسى رەتتە @tengenomika 2022 جىلدىڭ قاڭتارىنان باستاپ تۇتىنۋشىلىق ينفلياسيا جاعدايىندا جىلجىمايتىن مۇلىك نارىعىنداعى تۇرعىن ءۇيدىڭ جيناقتالعان باعا ءوسىمى تۋرالى جازعان قىزىقتى دەرەكتەرىن ۇسىنساق:

جاڭا تۇرعىن ءۇي +17،4%؛

ەسكى ءۇي +12،9%؛

جالعا بەرىلەتىن تۇرعىن ءۇي +38،6%؛

تۇتىنۋ ينفلياسياسى +29،8%.