الماتى پوليسياسى كولىكتەن شىعاتىن شۋدىڭ دەڭگەيىن ولشەيتىن قۇرىلعى ساتىپ الماقشى. بۇل تۋرالى ق ر ىشكى ىستەر مينيسترلىگى اكىمشىلىك پوليسيا كوميتەتى ءتوراعاسىنىڭ ورىنباسارى سەرىك ءتۇسىپوۆ ۆەدومستۆونىڭ اقپارات الاڭىندا وتكەن ونلاين بريفينگىندە ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«قىركۇيەك ايىنان بەرى الماتى قالاسى ازاماتتارىنىڭ شاعىمى بويىنشا شەكتەن تىس شۋ قولداناتىن اۆتوكولىكتەردى انىقتاۋ جۇمىسى ءجۇرىپ جاتىر. جۇرگىزۋشىلەرگە شۋدىڭ دەڭگەيىن قالاي ولشەۋ كەرەكتىگىن بارىنشا تۇسىنىكتى كورسەتۋ ءۇشىن ىشكى ىستەر قىزمەتكەرلەرى ارنايى ءموبيلدى قوسىمشالاردى قولدانىپ ءجۇر. بۇل جەردە ءموبيلدى قوسىمشا ارقىلى ولشەنگەن شۋدىڭ دەڭگەيى جۇرگىزۋشىلەردى اكىمشىلىك جاۋاپقا تارتۋعا نەگىز بولمايتىنىن ايتۋ كەرەك. بۇل قوسىمشالار تەك ءتۇسىندىرۋ جۇمىستارى ءۇشىن قولدانىلادى»، - دەگەن مينيسترلىك وكىلى بۇل قوسىمشالاردىڭ ورنىنا ساقشىلار سەرتيفيكاتتالعان ارنايى قۇرىلعىنى پايدالاناتىن كۇن دە الىس ەمەس ەكەنىن اتادى.
«دەگەنمەن الماتى قالاسى پوليسيا دەپارتامەنتىنىڭ بيىلعى بيۋدجەتىنە اۆتوموبيل شۋىنىڭ دەڭگەيىن ولشەيتىن سەرتيفيكاتتالعان 10 قۇرىلعى الۋ ەنگىزىلگەن»، - دەدى سەرىك ءتۇسىپوۆ.