الماتى وبلىسىندا كولونيا اۋماعىنا ەسىرتكى لاقتىرماق بولعان ادام ۇستالدى

 لا-155/12 مەكەمەسىنە ەسىرتكى لاقتىرۋعا تىرىسقان ەر ادام 5-تەن 10 جىلعا دەيىن باس بوستاندىعىنان ايىرىلۋى مۇمكىن

الماتى وبلىسى بويىنشا قىلمىستىق-اتقارۋ جۇيەسى دەپارتامەنتىنە قاراستى لا-155/12 قاۋىپسىزدىگى جوعارى مەكەمەسىندە “ماريحۋانا” ەسىرتكى زاتىن اۋماققا لاقتىرۋ فاكتىسىنىڭ الدىن الدى، دەپ حابارلايدى Almaty-akshamy.kz

25 قىركۇيەكتە لا-155/12 مەكەمەسىنىڭ ىرگەلەس اۋماعىندا پاترۋلدەۋ كەزىندە جەدەل ءبولىمنىڭ قىزمەتكەرلەرى جانە 3660 اسكەري قىزمەتشىلەرى 21 جاستاعى يۋ. ەسىمدى ازاماتتى ۇستادى، ونى جەكە تەكسەرۋ كەزىندە بەلگىسىز جاسىل ءتۇستى زاتى بار سكوچپەن ورالعان ءبىر تۇيىنشەك تابىلدى.

«اتالعان فاكتى بويىنشا قاپشاعاي قالاسىنىڭ پوليسيا ءبولىمىنىڭ جەدەل تەرگەۋ توبى شاقىرىلدى. سوت-حيميالىق ساراپتاما ناتيجەلەرى بويىنشا پاكەتتە سالماعى 48.75 گرامم “ماريحۋانا” ەسىرتكى زاتى ەكەنى بەلگىلى بولدى. يۋ.ەسىمدى ەر ادام ۋاقىتشا ۇستاۋ يزولياتورىنا قامالدى»، – دەپ اتاپ ءوتتى الماتى وبلىسى بويىنشا قاجد باستىعىنىڭ ورىنباسارى قانات اشوۆ.

قازىرگى ۋاقىتتا تەرگەۋ ءىس-شارالارى جۇرگىزىلۋدە. كۇدىكتى ق ر قىلمىستىق كودەكسىنىڭ 297-بابىنىڭ 1-بولىگىندە كوزدەلگەن ەسىرتكى زاتتارىن زاڭسىز جىبەرگەنى نەمەسە وتكىزگەنى ءۇشىن 5 جىلدان 10 جىلعا دەيىنگى مەرزىمگە باس بوستاندىعىنان ايىرۋ جازاسىن كۇتۋدە.