يندونەزيانىڭ بۋرۋ ارالىندا قولتىراۋىن 8 جاسار قىزعا شابۋىل جاساپ، ونى جەپ قويعان، دەپ حابارلايدى almaty-akshamy.kz حابار 24. سايتىنا سىلتەمە جاساپ.
جانتۇرشىگەرلىك وقيعا بالانىڭ دوستارىنىڭ كوز الدىندا بولعان. الايدا ماڭايىندا ەرەسەك ادامدار بولماعاندىقتان، ولار كومەكتەسە الماعان. بالانىڭ دەنە بولشەكتەرى 15 قازان كۇنى تابىلدى.
بۇل تۋرالى 17 قازاندا Newsweek باسىلىمى حابارلادى. بەرىلگەن اقپارات بويىنشا، بالالار تەلۋك كايەلي اۋدانىنداعى وزەندە شومىلعان. قولتىراۋىندى كورگەن دوستارى وزەننەن قاشىپ شىعادى دا، سۋچي رامادحاني جورعالاۋشىدان قۇتىلا المايدى. وقيعا ورنىنا جەتكەن جەرگىلىكتى تۇرعىندار بالانىڭ باسىن شايناپ جاتقان جىرتقىشتى نايزامەن ولتىرەدى.
بالالار شومىلعان وزەندە قولتىراۋىن كوپ مەكەندەيدى. سوڭعى 10 جىلدا جىرتقىشتار ادامدارعا 2 مارتە شابۋىل جاساعان. بۇعان دەيىن يندونەزيانىڭ وڭتۇستىك سۋماترا پروۆينسياسىندا قولتىراۋىن بالىقشىعا شابۋىل جاساپ، دەنەسىن ەكىگە ءبولىپ تاستاعان ەدى.