الماتى پوليسياسى كولىك ۇرىسىن قولعا ءتۇسىردى

سوتقا دەيىنگى تەرگەۋ بارىسىندا كۇدىكتى ءوز كىناسىن تولىقتاي مويىندادى

الماتى پوليسيا دەپارتامەنتى قالادا كولىك ۇرلىعىمەن اينالىسقان كۇدىكتىنى ۇستادى، ، دەپ حابارلايدى Almaty-akshamy.kz.

بۇرىن بىرنەشە رەت سوتتالعان الماتى وبلىسىنىڭ تۇرعىنى بوتەن بىرەۋدىڭ جول تالعامايتىن كولىگىن ۇرلاپ كەتتى. اۋەزوۆ اۋدانى پوليسياسىنىڭ مالىمەتىنشە، 31 جاستاعى ك. ەسىمدى ازامات بۇرىن الاياقتىق جانە قاراقشىلىق جاساعانى ءۇشىن جازاسىن وتەگەن. 

بۇل جولى ەر ادام كولىك ۇرلاۋدى قولعا العان. ول Toyota Land Cruiser كولىگىن ەكىنشى شاعىن اۋداندا بايقاعان. جول تالعامايتىن كولىكتىڭ يەسى كولىگىنىڭ جوعالعانىن، قالادان شىعىپ كەتكەنىن تەلەفونىنا GPS قوسىمشاسى ارقىلى  SMS-حابارلاما كەلگەن كەزدە عانا انىقتاعان. 

– جەدەل-ىزدەستىرۋ ءىس-شارالارى بارىسىندا كولىكتىڭ تۇرعان جەرى انىقتالدى. پاترۋلدىك جاساق وسى قىلمىستى جاسادى دەگەن كۇدىكپەن ك. ەسىمدى ازاماتتى ۇستادى. سوتقا دەيىنگى تەرگەۋ بارىسىندا كۇدىكتى ءوز كىناسىن تولىقتاي مويىندادى. ۇستالعان ازاماتتىڭ وسىعان ۇقساس باسقا دا وقيعالارعا قاتىسى بار ەكەندىگى جوققا شىعارىلمايدى. بۇل باعىتتا تەكسەرۋ جۇمىستارى جالعاسۋدا. تەرگەۋ كەزەڭىندە ك. ەسىمدى ازامات ۋاقىتشا ۇستاۋ يزولياتورىنا قامالدى، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.