قوستاناي وبلىسىنىڭ 34 جاستاعى تۇرعىنى مەن ونىڭ رەسەي فەدەراسياسىنان كەلگەن 33 جاستاعى سەرىگىنىڭ موينىندا بوتەن كولىكتەردى ۇرلاۋدىڭ كەم دەگەندە ەكى دەرەگى بار، دەپ حابارلايدى Almaty-akshamy Polisia.kz-كە سىلتەمە جاساپ.
كولىك ۇرىلارىن اشكەرەلەۋ جانە ۇستاۋ ءىس-شاراسىن الماتى قالاسىنىڭ كريمينالدىق پوليسيا قىزمەتكەرلەرى ناۋرىزباي اۋداندىق پب مەن الاتاۋ اۋداندىق پب-عا قاراستى پوليسيا بولىمىندەگى ارىپتەستەرىمەن بىرلەسىپ جۇرگىزدى.
«جەدەل-ىزدەستىرۋ ءىس-شارالارى بارىسىندا كۇدىكتىلەر ۇستالدى. 34 جاستاعى د.ەسىمدى ازامات – نەگىزگى ايىپتالۋشى. ول كولىكتەردىڭ ەسىگىن اشىپ، رولگە وتىرعان. 33 جىلعى ي.ەسىمدى ازامات، ول كولىك ۇرلاۋعا كومەكتەسكەن. جەدەل-ىزدەستىرۋ ءىس-شارالارى بارىسىندا قاسكويلەردىڭ قالانىڭ الاتاۋ جانە ناۋرىزباي اۋداندارىندا ەكى Toyota Highlander كولىگىن ۇرلاپ كەتكەندىگى انىقتالدى. بۇل كولىك تابىلدى جانە تاركىلەندى، زاتتاي ايعاق رەتىندە قىلمىستىق ءىس ماتەريالدارىنا تىركەلدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
سونىمەن قاتار ۇرلانعان كولىكتەردىڭ ءبىرىن تەكسەرۋ بارىسىندا ارنايى توعى بار باعدارلاماشى جانە ۇستالعان ادامنىڭ سۋرەتى بار جالعان كولىك جۇرگىزۋشى كۋالىگى، باسقا دا جەكە دەرەكتەرى تابىلدى جانە تاركىلەندى.
ءقازىر پوليسيا قىزمەتكەرلەرى ۇستالعانداردىڭ قالادا جاسالعان وسىعان ۇقساس قىلمىستارعا قاتىسى بار-جوعىن تەكسەرىپ جاتىر. تەرگەۋ بارىسىندا كۇدىكتىلەر قاماۋعا الىندى.