مەملەكەت باسشىسى قاسىم-جومارت توقايەۆ «شەتەلدىك تۋريستەر سانى 9 ملن.-عا دەيىن ءوسۋى ءتيىس» دەگەن بولاتىن. قازاقستاننىڭ بۇل باعىتتا مۇمكىندىگى زور ەكەنى انىق.
تابيعاتىمىز ءتۋريزمدى دامىتۋعا وتە قولايلى مەكەن. ەلىمىز قوڭىرجاي كونتينەنتتى بەلدەۋدە ورنالاسقان. سولتۇستىكتە قىس ۇزاقتاۋ. ال وڭتۇستىكتە جاز مەزگىلى سوزىلىڭقى كەلەدى. جەر بەدەرىندە دە ايىرماشىلىقتار بايقالادى. باتىس، سولتۇستىك جازىق دالا، ۇساق شوقىلى بولسا، وڭتۇستىك جانە شىعىس ءوڭىر تاۋلى قىراتتى. اسىرەسە، الماتىنىڭ ورنالاسقان جەرى جاسىل-جەلەكتى، الاتاۋدىڭ بوكتەرى تابيعات بەرگەن سۇلۋلىققا تولى.
تابىس كىلتى
الەمدە تۋريزم سالاسىن تابىس كىلتىنە اينالدىرعاندار جەتەدى. سول ارقىلى وزدەرىنىڭ تابىسىن ارتتىرىپ، مەملەكەتتىك بيۋدجەتكە قوماقتى قاراجاتپەن ۇلەس قوسۋدا. سولاردىڭ بىرەگەيلەرى – تۇركيا، اراب امىرلىكتەرى، كانادا، شۆەساريا، مالايزيا، ت.ب. اتالعان ەلدەرگە ساياحتتاۋشىلار، قاجىلىق جاساۋشىلار، زيارات ەتۋشىلەر، تاعى دا باسقالاي ماقساتپەن باراتىندار كوپ. ءار كەلگەن كىسىدەن قىرۋار قارجى تاۋىپ وتىر. سونىمەن بىرگە سەرۆيستى جولعا قويعان. ساپالى تۇردە قىزمەت كورسەتەدى، قوناق ءۇي، اپتالىق باعدارلامالار، ءتۇرلى كوڭىل كوتەرۋ شارالارىن ۇيىمداستىرادى. وسىلايشا قاراجاتتىڭ قاي باعىتتان قۇيىلاتىنىن ابدەن مەڭگەرگەن.
ساياحاتتاۋعا قولايلى مەكەن
قازاق جەرىنىڭ استى مەن ءۇستى وتە باي. مىڭ دا ءبىر شۇكىر. سونىڭ ىشىندە، الگىندە جوعارىدا كەلتىرگەندەي، تابيعاتىمىز اسا كورىكتى سانالادى. كوز تارتار عاجايىپ ولكەلەر بارشىلىق. قىزعالداق پەن اپورت الماسىنىڭ وتانىمىز. ۇلتتىق قۇندىلىقتار مەن جادىگەرلەرگە بايمىز. سونىڭ ىشىندە ۇلىتاۋ، سارايشىق، ساۋران، وتىرار سىندى قالالاردىڭ ورنى كۇنى بۇگىنگە دەيىن ساياحاتتاۋشىلار نازارىنان تىس قالعان ەمەس. ال قاسيەتتى تۇركىستاننىڭ ءجونى ءبىر بولەك. ناعىز تاريحي ولكە. ازىرەت سۇلتان، رابيعا سۇلتانبەگىم كەسەنەلەرى، قىلۋەت، ورتاعاسىرلىق مونشا - ءبارى-بارى كونە شەجىرەدەن سىر شەرتەدى. شىعىس قازاقستانداعى قاتونقاراعاي القابى، قايىڭدى، كولساي مەن باتىستاعى بەكەت اتا مەشىتىنىڭ ورنى ءبىر بولەك. ەڭ باستىسى، اتالعان ايماقتاردا ينفروقۇرىلىمدى رەتتەپ، قوناق ۇيلەردى كوپتەپ سالىپ، جارناماسىن الەۋمەتتىك جەلىلەر ارقىلى جاساساق، نۇر ۇستىنە نۇر بولماق.
P.S. ەلىمىزدە ءتۋريزمدى دامىتۋعا قاتىستى قولعا الىنىپ جاتقان يگى ىستەر بارشىلىق. سونىڭ ءبىرى - كيەلى تۇركىستان جاندانىپ، جاڭارىپ كەلەدى. كوكشەنىڭ سۇلۋلىعىنا نە جەتسىن؟! شىركىن، عاجاپ قوي! ەڭ نەگىزگى ايتارىمىز، قازاقستان دامىعان، الەۋەتتى ەلدەر ساناتىنا قوسىلا بەرسىن! ەكونوميكامىز قارىشتاپ دامي بەرسىن!