ەسىرتكى قىلمىسىمەن كۇرەسۋشىلەر الماتى قالاسىندا ەسىرتكى زاتتارىن تاراتۋ جانە بەتبەلگى قويۋمەن اينالىسقان بۇرىن سوتتالعان ك.ەسىمدى ازاماتتى ۇستادى، دەپ حابارلايدى Almaty-akshamy.kz.
Polisia.kz مالىمەتىنشە، ەر ادام ءشوپتى اقساي ىقشاماۋدانىنداعى پاتەرىندە قاپتاعان.
«ودان ءارى سينتەتيكالىق ەسىرتكىنىڭ كوتەرمە پارتياسىن ك.ەسىمدى ازامات جەتىسۋ وڭىرىنەن كەلگەن جۇپتىڭ “جەتەكشىلىگىمەن” جۇمىس ىستەيتىن ەسىرتكى زەرتحاناسىن الىپ ءجۇردى. زەرتحانا الماتى وبلىسى جامبىل اۋدانىندا بولدى. ءۇيدى جانە كونتەينەردى ءتىنتۋ كەزىندە ءارتۇرلى سۇيىقتىقتارى بار 80-نەن استام كانيستر، سۇيىق قوسپاعا ارنالعان رەاكتور مەن كەپتىرگىش، شىنى كولبالار، ەلەكتروندى تارازىلار، دايىن زاتتاردى كەپتىرۋگە ارنالعان جىلىتقىشتار، كەسەكتەرى بار 55 كەلىگە جۋىق سارعىش ءتۇستى ۇنتاقتى زات تابىلدى جانە تاركىلەندى. “لابورانتتاردىڭ” ايتۋىنشا، ولاردى ءبىز سول كۇنى اق ۇستاعان ەكى جاس جىگىت جۇمىسقا العان. ماسەلە 21 جاستاعى ت.ەسىمدى ازامات پەن 20 جاستاعى ك. ەسىمدى ازامات جايىندا بولىپ وتىر. بۇل قىلمىستىق تىزبەككە قاتىسۋشىلاردىڭ بارلىعى قاماۋعا الىندى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.