الماتىلىقتارعا جىل اياعىنا دەيىن بەلسەندى ەمەس جەكە كاسىپكەرلىكتى جابۋ ۇسىنىلدى
الماتى قالاسى بويىنشا مەملەكەتتىك كىرىستەر دەپارتامەنتى كاسىپكەرلەرگە كەلەسى كەزەڭنىڭ دەكلاراسياسىنا ءتۇسىپ قالماۋ ءۇشىن بەلسەندى ەمەس جەكە كاسىپكەرلىكتى جىل اياعىنا دەيىن جابۋ ۇسىنىلدى. وكق بريفينگىندە ءسوز العان الماتى قالاسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى زاڭعار شىندالي، سونىمەن قاتار قارىز مىندەتتەمەلەرىن نوتاريالدى كۋالاندىرۋعا شاقىردى.
“جوعارىدا اتاپ وتكەنىمدەي ءۇشىنشى كەزەڭدە دەكلاراسيانى ۇسىنۋ بويىنشا مىندەتتەمە، ەگەر جەكە كاسىپكەر نەمەسە زاڭدى تۇلعا قىزمەت جۇرگىزبەسە دە تۋىندايدى. ءىس جۇزىندە كاسىپكەرلىك قىزمەت بولماعان جاعدايدا، ءبىز اعىمداعى جىلدىڭ سوڭىنا دەيىن تومەندەگىنى ۇسىنامىز: - ەگەر ءسىز جەكە كاسىپكەر رەتىندە تىركەلگەن بولساڭىز نەمەسە زاڭدى تۇلعانىڭ باسشىسى بولساڭىز، ءبىراق قازىرگى ۋاقىتتا قىزمەت جۇرگىزبەسەڭىز جانە ودان ءارى جوسپارلاماساڭىز، جەكە كاسىپكەردى نەمەسە زاڭدى تۇلعانى جابۋ ءۇشىن مەملەكەتتىك كىرىستەر باسقارماسىنا جۇگىنۋىڭىز كەرەك”، - دەپ اتاپ ءوتتى ز. شىندالي.
بۇل جاعدايدا كاسىپكەر جانە ونىڭ جۇبايى جالپىعا بىردەي دەكلاراسيالاۋ جۇيەسىنە ءۇشىنشى كەزەڭىندە ەمەس، ءتورتىنشى كەزەڭىندە ياعني ەسەپتىلىكتى تەك 2025 جىلى تاپسىرا باستايدى.
“سونداي-اق 2024 جىلعى 1 قاڭتاردان باستاپ 250.00 نىسانىن ۇسىنۋ بويىنشا مىندەتتەمەلەرى بار تۇلعالار دەبيتورلىق/كرەديتورلىق بەرەشەكتى دەكلاراسيالاۋ ماقساتىندا بورىشتىق مىندەتتەمەلەردى 2023 جىلعى 31 جەلتوقسانعا دەيىن نوتاريالدى كۋالاندىرۋ قاجەت”، - دەپ قورىتىندىلادى ول.