حالىقتىڭ 85 پايىزى ءبىر رەت بولسا دا ونلاين شاعىن نەسيە العان. نەگىزى بۇل كۇلەتىن جاعداي ەمەس. دەمەك، حالىق قارىزعا ءومىر سۇرەدى. وسى كۇنى ونلاين كرەديت الۋ وڭاي، ال قايتارۋ قيىن. سوندىقتان بيلىك «قارجى ۇيىمدارى ەكونوميكانى ەمەس، تۇتىنۋشىلاردى نەسيەلەۋگە مويىن بۇرىپ كەتتى» دەپ ايىپتاۋدا، دەپ حابارلايدى اlmaty-akshamy.kz.
«قازاقستان فينتەح قاۋىمداستىعى» زاڭدى تۇلعالار بىرلەستىگى قازاقستاندىقتار اراسىندا ونلاين ميكروكرەديتتەردىڭ ماڭىزى تۋرالى ساۋالناما (ونلاين) جۇرگىزگەن.
ساۋالناماعا 472 رەسپوندەنت قاتىستى. ناتيجەسىندە قازاقستاندىقتاردىڭ باسىم كوپشىلىگى كەم دەگەندە ءبىر رەت ونلاين شاعىن نەسيە العانى (85%) بەلگىلى بولدى. وتانداستارىمىزدىڭ ۇشتەن ءبىر بولىگىنىڭ تۇگەلگە جۋىعى ونلاين شاعىن نەسيەگە (31%) جۇگىنەدى. جاۋاپ بەرگەندەردىڭ 39%-ى جەكە تۇرمىستىق قاجەتتىلىگىن ونلاين شاعىن نەسيە ارقىلى شەشەتىنىن جازعان: ياعني، العان قارىزدى تاۋار ساتىپ الۋعا، كوممۋنالدىق قىزمەتتەردى تولەۋگە، جەدەل مەديسينالىق قىزمەت كورسەتۋگە، جالعا الۋ نەمەسە ءۇي جوندەۋگە جۇمسايدى. سونىمەن قاتار، قازاقستاندىق فينتەح قاۋىمداستىعىنىڭ مالىمەتتەرى بويىنشا، ونلاين-ميكرونەسيە تۇتىنۋشىلارىنىڭ 50%-ى ءوزىن-وزى جۇمىسپەن قامتىعان قازاقستان ازاماتتارى. ەل ەكونوميكاسىنىڭ ءتۇرلى سالالارىندا 9،1 ملن ادام جۇمىسپەن قامتىلعان. ونىڭ ىشىندە 6،9 ملن ادام جالدامالى جۇمىسقا تارتىلعاندار (ەكونوميكاداعى جۇمىسپەن قامتىلعانداردىڭ جالپى سانىنىڭ 76%-ى). 2،2 ملن ادام ءوزىن-وزى جۇمىسپەن قامتىعاندار (جالپى سانىنىڭ 24%-ى).