الماتى پوليسياسى ەسىرتكى ساتۋشىنى قولعا ءتۇسىردى

كۇدىكتىنى ۇستاۋ وپەراسياسىن قالالىق ەسىرتكى قىلمىسىمەن كۇرەسۋشىلەر تۇركسىب اۋداندىق پوليسيا باسقارماسىنىڭ قىزمەتكەرلەرىمەن بىرلەسىپ جۇرگىزدى.

جەدەل اقپاراتقا سايكەس، 23 جاستاعى تۋعان س.ەسىمدى ازامات سينتەتيكالىق ەسىرتكىنى زەرتحانادا زاڭسىز وندىرۋمەن، ساقتاۋمەن، وراۋمەن جانە ساتۋمەن اينالىسقان، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ءۇيدى ءتىنتۋ بارىسىندا ەرەكشە ءيىسى بار اق ءتۇستى ۇنتاق زات تابىلدى جانە تاركىلەندى. كۇدىكتىنىڭ ايتۋىنشا، بۇل زات مەفەدرون ەسىرتكىسى، ول ونى جەكە جالدامالى ۇيدە ءوزى جاساعان. س.ەسىمدى ازامات دايىن ونىمدەردەردى قالا اۋماعىنداعى جاسىرىن ورىندارعا قالدىرىپ كەتكەندىگى بەلگىلى بولدى. سونىمەن قاتار ۇيدەن سۇيىقتىقتارى بار پلاستيك كانيسترلەر، پيرومەتر، ءتۇرلى كولبالار، ۆاكۋۋمدىق جانە ەلەكتر سورعىشى، ەلەكتروندى تارازىلار، بۋمالار مەن ەسىرتكى وندىرۋگە ارنالعان باسقا دا كەرەك-جاراقتار تابىلدى»، – دەدى الماتى قالالىق پد ەسىرتكى قىلمىسىمەن كۇرەس باسقارماسىنىڭ باستىعى ەرلان الماعامبەتوۆ.

اتالعان دەرەك ق ر قك-نىڭ 297-بابى 1-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ۇستالعان ازامات ۋاقىتشا ۇستاۋ يزولياتورىنا قامالدى. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.