الەۋمەتتىك قىزمەتتەر پورتالى فۋنكسيونالىنىڭ قولجەتىمدىلىگىن ارتتىرۋ ءۇشىن مۇگەدەكتىگى بار ادامدار وڭالتۋدىڭ جەكە باعدارلامالارىنا سايكەس وڭالتۋدىڭ تەحنيكالىق كومپەنساتورلىق قۇرالدارىنا تاپسىرىس بەرە الاتىن «Aleumet» قوسىمشاسى ازىرلەنىپ، ىسكە قوسىلدى، دەپ حابارلايدى Almaty-akshamy.kz.
بولاشاقتا بۇل قوسىمشانىڭ فۋنكسيونالدىعى كەڭەيەدى، مۇگەدەكتىگى بار ادامدارعا ۇسىنىلاتىن باسقا قىزمەتتەرگە تاپسىرىس بەرۋ مۇمكىندىگى پايدا بولماق. ولارعا ساناتورلىق-كۋرورتتىق ەمدەۋ، ىمداۋ ءتىلى مامانى، جەكە كومەكشى جانە باسقا دا ارنايى الەۋمەتتىك قىزمەتتەر قوسىلادى.
ەستەرىڭىزگە سالا كەتەيىك، 2023 جىلدىڭ باسىنان باستاپ مۇگەدەكتىگى بار ادامدار الەۋمەتتىك قىزمەتتەر پورتالى ارقىلى 377 مىڭنان استام قىزمەت الدى، ولاردىڭ باسىم بولىگى وڭالتۋدىڭ تەحنيكالىق قۇرالدارى (بۇدان ءارى – وتق) بولىپ تابىلادى.
پورتال مۇگەدەكتىگى بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرىن ءوندىرۋشى مەن جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەك تۇرىنە تاپسىرىس بەرۋ كورسەتىلەتىن قىزمەتتى الۋشىنىڭ ەلەكتروندىق سيفرلىق قولتاڭباسىمەن راستاۋ ارقىلى جۇزەگە اسىرىلادى. تاپسىرىس بەرىلگەن وتق-نى جەتكىزىپ بەرۋ دە مۇمكىندىگىمەن قاتار تاپسىرىس يەسى ءوزى دە الىپ كەتە الادى.
بۇگىنگى كۇنى الەۋمەتتىك قىزمەتتەر پورتالىندا ارناۋلى الەۋمەتتىك قىزمەتتەر كورسەتەتىن 859 مەديسينالىق-الەۋمەتتىك مەكەمەلەر (بولىمشەلەر)، 482 وتق جەتكىزۋشىلەر، 27 مىڭنان استام جەكە كومەكشى، 703 ىمداۋ ءتىلى مامانى جانە 104 ساناتورلىق-كۋرورتتىق ەمدەۋ قىزمەتىن بەرۋشى تىركەلگەن.
«الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسىن ەنگىزۋ مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە كوزدەلگەن.
پورتالدى پايدالانۋ بويىنشا كونسۋلتاسيالاردى 1414 ءبىرىڭعاي ءنومىرى ارقىلى بايلانىس ورتالىعىنان الۋعا بولادى.